سوڭعى كەزدەرى اۋىز قۋىسىندا مەتالعا توزبەۋشىلىگى بار ناۋقاستاردىڭ سانى ارتىپ كەلەدى
ەلىمىزدە مەتالعا اللەرگياسى بار ادامدارعا ارنالعان ءتىس پروتەزى جاسالدى، دەپ حابارلايدى Almaty-akshamy.kz.
دەنساۋلىق ساقتاۋ مينيسترلىگى تاراتقان اقپاراتقا سايكەس، سانجار اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ ورتوپەديالىق ستوماتولوگيا كافەدراسى اعزاعا ۋىتتى اسەر ەتپەيتىن وتاندىق قۇرىلىمدىق جانە قوسالقى ءتىس پروتەزدىك ماتەريالداردى ۇسىندى.
سوڭعى كەزدەرى اۋىز قۋىسىندا مەتالعا توزبەۋشىلىگى بار ناۋقاستاردىڭ سانى ارتىپ كەلەدى. مەتالل-كەراميكالىق پروتەزدەر ءۇشىن كەڭ تارالعان نەگىزگى مەتالداردىڭ قورىتپالارى اعزاعا، اۋىز قۋىسىنىڭ تىندەرىنە جانە ادام اعزاسىنىڭ جالپى جاعدايىنا جاناما اسەر ەتۋى مۇمكىن.
Stomet-1kz جانە stomet-2kz قورىتپالارى ەكسپەريمەنتتىك جانۋارلار اعزاسىنا تەرىس اسەردى تولىعىمەن جويۋعا مۇمكىندىك بەرەتىن زەرتتەۋدەن ءوتتى. بۇل ەكسپەريمەنتتىڭ بارلىق توپتارى مەن سەريالارىندا باۋىردىڭ مينيمالدى وزگەرۋىن كورسەتتى.
سونىمەن قاتار قورىتپالار مەديسينادا قولدانۋعا جەتكىلىكتى بەرىك قالىپتا بولدى. وتاندىق stomet-1kz، stomet-2kz ستوماتولوگيالىق قورىتپالارى ءۇشىن مەمست 31575-2012 نومىرىنە سايكەس كەمىندە 25 مپا بولۋى ءتيىس كەرنەۋدىڭ جەتكىلىكتى شاماسى بار ەكەنىن كورسەتكەن ەكسپەريمەنتتىك زەرتتەۋلەر جۇرگىزىلدى.
Si قۇرامىن 1%-عا ارتتىرا وتىرىپ، ازىرلەنگەن وتاندىق قورىتپالاردىڭ ۇسىنىلاتىن حيميالىق قۇرامى Stomet-1kz جانە stomet-2kz قورىتپالارىنىڭ كەراميكامەن مەتالدىڭ ادگەزيا بەرىكتىگىن ەداۋىر ارتتىرادى. ياعني، Stomet-1kz قورىتپاسى 1،2 ەسە، Stomet-2kz قورىتپاسى ءۇشىن 1،3 ەسە بولادى.
جالپى، ورتوپەديالىق ستوماتولوگيا كافەدراسى 12 يننوۆاسيالىق پاتەنت الىپ، يمپاكت-فاكتورى بار عىلىمي جۋرنالداردا (اقش، شۆەسيا، رەسەي، گەرمانيا، تۇركيا، ءباا، وزبەكستان، قىرعىزستان) وسى تاقىرىپ بويىنشا 32 عىلىمي جۇمىس جاريالادى.