اسىلقۇلوۆ 2021 جىلى قازاقستان چەمپيونى اتانعان
قازاقستاندىق بوكسشى ورازبەك اسىلقۇلوۆ بولگاريانىڭ سوفيا قالاسىندا ءوتىپ جاتقان «ستراندج» حالىقارالىق تۋرنيرىندە العاشقى جەكپە-جەگىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
1/16 فينالدا 57 كەلىگە دەيىنگى سالماقتاعى و.اسىلقۇلوۆ يرلانديالىق دجۋد گاللاحەرمەن جۇدىرىقتاسىپ، تورەشىلەردىڭ ءارتۇرلى شەشىمىمەن جەڭىسكە جەتتى. ايتا كەتەيىك، ءبىرىنشى راۋندتا تورەشىلەردىڭ باسىم بولىگى جەڭىستى يرلانديا بوكسشىسىنا بەردى.
وسىلايشا، ورازبەك اسىلقۇلوۆ جارىستىڭ كەلەسى كەزەڭىنە ءوتىپ، وندا لۋيس وليۆەيرا (برازيليا) - دجامال حارۆي (اقش) جەكپە-جەگىنىڭ جەڭىمپازىمەن كەزدەسەتىن بولادى، دەپ جازدى Sports.kz پورتالى.
اسىلقۇلوۆ 2021 جىلى قازاقستان چەمپيونى اتانعان. «ستراندجداعى» العاشقى قارسىلاسى - يرلانديا چەمپيونى دجۋد گاللاحەر، ول - دوستاستىق ويىندارىنىڭ التىن جانە جاستار اراسىنداعى الەم چەمپيوناتىنىڭ قولا جۇلدەگەرى.