ساحنادا مۋزىكالىق جاۋھارلار ورىندالدى
الماتىدا احمەت جۇبانوۆ اتىنداعى دارىندى بالالارعا ارنالعان رەسپۋبليكالىق قازاق مامانداندىرىلعان مۋزىكالىق ورتا مەكتەپ-ينتەرناتىنىڭ كونسەرت زالىندا «كلاسسيكالىق مۋزىكا كەشى» اتتى كونسەرت ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
كەشتە، ەڭ تانىمال جانە سۇيىكتى تۋىندىلار — مۋزىكالىق كلاسسيكانىڭ جاۋھارلارى ورىندالدى. ۇلى كومپوزيتورلاردىڭ مۋزىكاسى، ايگىلى قازاق جانە ورىس كومپوزيتورلارىنىڭ كلاسسيكاسى كىرەتىن ءتۇرلى باعدارلاما ۇسىنىلدى.
مەكتەپ وقۋشىلارى ءامىر ەرنازار، زەرە ءابىلقاسىموۆا، ءامينا ابىشيەۆا جانە نۇرسۇلتان ومارعازين جەكە نومىرلەرىن ورىندادى.
«ساحناداعى بالالاردىڭ كوڭىل-كۇيى تاماشا بولدى. كومپوزيسيانى قانشالىقتى تۇسىنگەنىن ولاردىڭ ەموسياسىنان، جۇزىنەن بايقاۋعا بولادى. شىعارمانىڭ ءاربىر ىرعاعىن، دىبىس تازالىعىن جانىمەن سەزىنە ءبىلدى»، – دەدى اناسى.
ساحنا تورىنە كوتەرىلگەن وقۋشىلاردىڭ ونەرى كورەرمەندەرگە ەرەكشە اسەر قالدىردى.