عالىم گۇلنۇر تاتىحانوۆا اشقان جاڭالىقتىڭ پايداسى – وفتالمولوگيا سالاسىندا قولدانىلاتىن كوز تامشىسىنىڭ نەگىزىندە جاسالعانىندا.
ساتبايەۆ ۋنيۆەرسيتەتىنىڭ ينجەنەرلىك بەيىمدەۋ زەرتحاناسى جەتەكشىسىنىڭ ورىنباسارى گۇلنۇر تاتىحانوۆا فينليانديا مەملەكەتىندەگى حەلسينكي ۋنيۆەرسيتەتىندە عىلىمي زەرتتەۋ جۇمىسىن جۇرگىزۋدە، دەپ حابارلايدى Almaty-akshamy.kz.
بۇل تۋرالى ق.ساتبايەۆ اتىندىعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ باسپا ءسوز قىزمەتى حابارلادى.
ونىڭ عىلىمي جاڭالىعىنىڭ ەرەكشەلىگى – تامشى كوز قاباتىمەن جاناسقاندا وتە جۇقا جانە ءمولدىر پلەنكا ءتۇزىپ، دارىلىك زاتتى بىرتىندەپ ۇزاق ۋاقىت سىرتقا ۇزدىكسىز دوزالىق مولشەردە ءبولىپ وتىرادى.
عالىمنىڭ اتالعان ۋنيۆەرسيتەتتىڭ حيميا دەپارتامەنتىنىڭ پوليمەرلەر جانە كوللويدتار بولىمىندەگى زەرتتەۋ جۇمىسىنىڭ ماقساتى - «وفتالمولوگيا ءۇشىن اسەر ەتۋ مەرزىمى ۇزارتىلعان كوز تامشىلارىن پوليساحاريد – گەللان مەن وفلوكساسين نەگىزىندە الۋ» اتتى جوبانىڭ زەرتتەۋ جۇمىستارىن جەتىلدىرۋ. سونىمەن قاتار «جۇمساق بيوۇيلەسىمدى پوليمەرلى نانوقۇرىلىم: وفتالمولوگيانىڭ كەلەشەگى ءۇشىن نانوفارماسيەۆتيكا پرەپاراتتارىن الۋ» تاقىرىبى نەگىزىندە زەرتحانالىق زەرتتەۋ جۇمىسىن جۇرگىزۋ.