الەۋمەتتىك جەلىلەردە ولجاس ابىشيەۆتىڭ (2017-2020 جىلدارى دەنساۋلىق ساقتاۋ ۆيسە-مينيسترى بولعان - رەد.) «قايتىس بولعان ادامدارعا رەسەپت بويىنشا تەگىن دارى-دارمەك بەرىلەدى» دەپ ايتقان سۇحباتى تاراپ ءجۇر.
ق ر دەنساۋلىق ساقتاۋ مينيسترلىگى وسى مالىمدەمەگە تۇسىنىك بەردى، دەپ حابارلايدى Almaty-akshamy.kz Stopfake.kz رەسۋرسىنا سىلتەمە جاساپ.
«دەنساۋلىق ساقتاۋ مينيسترلىگى بۇل اقپارات شىندىققا جاناسپايتىنىن مالىمدەيدى. بۇگىنگى كۇنى تمككك جانە ءمامس شەڭبەرىندە حالىقتى دارىلىك زاتتارمەن ءتيىمدى جانە اشىق قامتاماسىز ەتۋ ماقساتىندا مەديسينالىق جانە فارماسيەۆتيكالىق باقىلاۋ كوميتەتىنىڭ اتىنان دقاج-عا جانە مەديسينالىق اقپاراتتىق جۇيەگە تۇراقتى مونيتورينگ جاسالادى. بۇدان باسقا، پرەپاراتتاردى بەرۋ ءراسىمى الەۋمەتتىك جانە مەديسينالىق ساقتاندىرۋ قورى مەن «سق-فارماسيا» ج ش س دەڭگەيىندە باقىلانادى. بۇرىن قايتىس بولعان پاسيەنتتەرگە رەسەپت جازۋدىڭ جەكەلەگەن جاعدايلارى بولعان. انىقتالعان فاكتىلەر بويىنشا ەگجەي-تەگجەيلى تالداۋ كەزىندە بۇل جاعدايلار دارى-دارمەكپەن قامتاماسىز ەتۋدىڭ اقپاراتتىق جۇيەسىنە دەرەكتەردى ۋاقتىلى ەنگىزبەۋدىڭ سالدارىنان بولعانى انىقتالدى» دەپ مالىمدەدى مينيسترلىك.
ۆەدومستۆو مالىمەتىنشە، قازىرگى ۋاقىتتا دارى-دارمەك الۋ تۋرالى راستاۋ كودى بار سمس حابارلاما كومەگىمەن پاسيەنتتەن راستاۋ الۋ بويىنشا سەرۆيستى جەتىلدىرۋ جۇمىسى ءجۇرىپ جاتىر.
دەنساۋلىق ساقتاۋ مينيسترلىگى باسقا مەملەكەتتىك ورگاندارمەن بىرلەسىپ دارىلىك زاتتاردى سيفرلىق تاڭبالاۋ مەن قاداعالاۋدى ەنگىزەتىن جوبانى ىسكە اسىرىپ جاتىر.
بۇل جوبانىڭ ناتيجەسى دارى-دارمەكپەن قامتاماسىز ەتۋدى تولىق سيفرلاندىرۋى كەرەك، بۇل بۇكىل ومىرلىك سيكل جولىندا دارى-دارمەك قوزعالىسىنىڭ اشىقتىعىنا اكەلەدى جانە دارى-دارمەكتىڭ ساپاسىن باقىلاۋعا كومەكتەسەدى.
«ق ر قىلمىستىق كودەكسىنىڭ 274-بابىنا سايكەس كورىنەۋ جالعان اقپارات تاراتقانى ءۇشىن ايىپپۇل، تۇزەۋ جۇمىستارى، شەكتەۋ نەمەسە باس بوستاندىعىنان ايىرۋ تۇرىندەگى جازا قولدانىلۋى مۇمكىن ەكەنىن ەستەرىڭىزگە سالا كەتەيىك. كورىنەۋ جالعان اقپارات تاراتۋدىڭ وسى فاكتىسى بويىنشا دەنساۋلىق ساقتاۋ مينيسترلىگى قۇقىق قورعاۋ ورگاندارىنا جۇگىنۋگە قۇقىعى بار»، – دەلىنگەن ۆەدومستۆو حابارلاماسىندا.