«قازاقستاندىق عالىم ايەلدەر» ەنسيكلوپەدياسى جارىققا شىقتى

 الماتىدا «قازاقستاندىق عالىم ايەلدەر» ەنسيكلوپەدياسىنىڭ تۇساۋى كەسىلدى.

باسىلىمعا وتاندىق عىلىمعا ەڭبەگى سىڭگەن 84 ادامنىڭ ەسىمى ەنگەن. ولار مەديسينا، پسيحولوگيا، فيلولوگيا، فيلوسوفيا جانە جاراتىلىستانۋ عىلىمدارىنىڭ ۇزدىكتەرى، دەپ حابارلايدى Almaty-akshamy.kz 24.kz-كە سىلتەمە جاساپ. 

عالىم ايەلدەر ەلىمىزدىڭ 25 ۋنيۆەرسيتەتى مەن 15 عىلىمي-زەرتتەۋ ينستيتۋتى ارقىلى ىرىكتەلگەن. ەكى جارىم جىل جازىلعان جيناق 100 دانا بولىپ شىعىپتى. الدا كەلەسى تومدارىن شىعارۋ جوسپارلانىپ وتىر. ءقازىر ەلدە اتى تانىمال 10 مىڭنان اسا عالىم ايەل، ءارتۇرلى سالادا ەڭبەك ەتىپ كەلەدى. ولاردىڭ تىڭ زەرتتەۋلەرى الەمگە تانىلۋى كەرەك، دەيدى اۆتورلار. 

«سول ىرىكتەۋدىڭ ناتيجەسىندە ءبىزدىڭ ەنسيكلوپەدياعا 500-دەن استام عالىمنىڭ ىشىنەن 84ء-ى عانا كىردى. بۇل بەلگىلى قازاقستاندىق عالىم ايەلدەر. بۇل قوعامدا تەك سول كىسىلەر عانا ەمەس، ءالى قانشاما كىرمەگەن عالىمدار بار. قانشاما قاتىسپاعان عالىمدار بار ءارتۇرلى ماماندىقتا. سوندىقتان ءبىزدىڭ ەنسيكلوپەديانىڭ ەكىنشى، ءۇشىنشى تومى ءارى قاراي جالعاسادى دەيمىز»، - دەيدى فيلولوگ-عالىم تاڭات اياپوۆا. 

«ەنسيكلوپەدياعا كىرە سالۋ ول وڭاي دۇنيە ەمەس. ونىڭ ۇلكەن ەڭبەگى بولۋ كەرەك قاي سالادا بولسا دا جانە ونىڭ ناتيجەسى بولۋ كەرەك. سوندىقتان دا ەنسيكلوپەدياعا وزىندىك ورنى بار، عىلىمعا قوسقان ۇلەسى بار، ەلىمىزدىڭ بولاشاعىنا كەلەشەگىنە قوسقان ۇلكەن ۇلەسى بار ازاماتشالار ەندى»، - دەيدى ق ر ەڭبەك سىڭىرگەن قايراتكەرى اياگۇل ميرازوۆا. 

.