يراندا وتكەن 14ء-شى حالىقارالىق سپورتتىق فيلمدەر فەستيۆالى قازاقستان كينەماتوگرافياسى ءۇشىن ماڭىزدى وقيعا بولدى. ايتۋلى شارادا «العا» ءفيلمى ەكى ماراپاتقا يە بولدى.
«ەكىنشى پلانداعى ۇزدىك ەر ادام ءرولى» جۇلدەسىن ەرىك جولجاقسىنوۆ السا، «ۇزدىك رەجيسسەر» نوميناسياسىندا ەرنار نۇرعالييەۆ جەڭىمپاز دەپ تانىلدى، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
«العا» – اكەلەرىنىڭ قازاسىنان سوڭ قىلمىسقا بەت بۇرعان اعايىندىلار جايلى فيلم. الايدا ولاردىڭ اۋىلىنا تالانتتى جاستاردى ىرىكتەۋ ءۇشىن جەڭىل اتلەتيكادان جاتتىقتىرۋشى كەلىپ، ومىرلەرىنە وزگەرىس اكەلەدى. اعايىندىلاردىڭ ءبىرى مارافوندىق جۇگىرۋدەن الەم چەمپيونىمەن باسەكەگە تۇسەدى.
فيلم مادەنيەت جانە اقپارات مينيسترلىگى مەن ۇلتتىق كينو ورتالىعىنىڭ قولداۋىمەن ءتۇسىرىلدى. ءفيلمنىڭ پروديۋسەرى – ماكسيم اكباروۆ، رەجيسسەرى – ەرنار نۇرعالييەۆ.