حالىقارالىق دزيۋدو فەدەراسياسى 2024 جىلعى IJF Judo Awards ماراپاتىنا ۇمىتكەرلەردىڭ ءتىزىمىن جاريالادى.
بۇل ماراپات سپورتتىق ماۋسىمنىڭ قورىتىندىسىن شىعارادى، دەپ حابارلايدى aqshamnews.kz قازاقستان دزيۋدو فەدەراسياسىنىڭ باسپا ءسوز قىزمەتىنە سىلتەمە جاساپ.
وليمپيادا چەمپيونى ەلدوس سمەتوۆ “ەرلەر اراسىنداعى جىلدىڭ ۇزدىك دزيۋدوشىسى” (Male Judoka of the Year) ماراپاتىنا ۇمىتكەر بولدى، ال عالىمجان قىرىقباي “ۇزدىك يپپون” (Best Ippon) نوميناسياسىندا ۇسىنىلدى.
“ەرلەر اراسىنداعى جىلدىڭ ۇزدىك دزيۋدوشىسى” ماراپاتىنا ۇمىتكەر رەتىندە پاريجدەگى وليمپيادا ويىندارىنىڭ جەتى جەڭىمپازى كىرگەن. ال “ۇزدىك يپپون” نوميناسياسىندا 20 دزيۋدوشىنىڭ ەڭ ۇزدىك تەحنيكاسى ىرىكتەلگەن.
2024 جىلعى IJF Judo Awards ماراپاتى سەگىز كاتەگوريادان تۇرادى، وندا 63 ۇمىتكەر بار. جەڭىمپازداردى تاڭداۋ ەكى كەزەڭنەن وتەدى. ءبىرىنشى كەزەڭ – ونلاين داۋىس بەرۋ، ەكىنشى كەزەڭ – IJF Judo Awards كوميتەتى ءتىزىم بويىنشا جەڭىمپازداردى انىقتايدى.
داۋىس بەرۋ 10 جەلتوقساننان 10 قاڭتارعا دەيىن جالعاسادى. ءار قاتىسۋشى، ءار نوميناسيادا ءبىر داۋىس بەرە الادى. داۋىس بەرىلگەن سوڭ ونى وزگەرتۋ مۇمكىن ەمەس.
ماراپاتتار 2024 جىلعى Judo Awards راسىمىندە تابىستالادى. سالتاناتتى جيىن 2025 جىلى وتەتىن Paris Grand Slam ءتۋرنيرى اياسىندا تىكەلەي ەفيردە كورسەتىلەدى.
داۋىس بەرۋ ءۇشىن مىنا جەرگە ءوتىڭىز.