بۇگىندە قازاقستاندىق فەرمەرلەر gosagro.kz پورتالى ارقىلى 100 144 ءوتىنىم بەردى. اۋىل شارۋاشىلىعى باسقارمالارىنىڭ قاراۋىندا 37 236 ءوتىنىم بار، 22 444 ءوتىنىمدى ماقۇلدانعان جوق، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
اۋىل شارۋاشىلىعى مينيسترلىگىنىڭ حابارلاۋىنشا، «كۇتۋ پاراعىندا» جالپى سوماسى 96،5 ملرد تەڭگەگە 32 146 ءوتىنىم تۇر.
«بۇل وتىنىمدەردى جۇيە تولىعىمەن وڭدەپ، باسقارمالار قازىناشىلىق جۇيەسى ارقىلى تولەنۋدە. قازىرگى ۋاقىتتا فەرمەرلەرگە شامامەن 69،4 ملرد تەڭگە تولەندى»، - دەپ اتاپ ءوتتى اشم وكىلدەرى.
بۇل سومادان باسقا مەملەكەتتىك سۋبسيديالاۋ جۇيەسى ارقىلى اۋىل شارۋاشىلىعى تاۋارىن وندىرۋشىلەر الدىندا 28،4 ملرد تەڭگەگە سۋبسيديالار بويىنشا بىلتىرعى بورىش وتەلدى.
«قولدانىستاعى پايىزدىق مولشەرلەمەنى سۋبسيديالاۋ شارتتارى بويىنشا بۇگىنگى كۇنى 40،4 ملرد تەڭگەگە وتىنىمدەر ماقۇلدانىپ، 35،8 ملرد تەڭگە تولەندى.
جالپى، سبماج ارقىلى 133،6 ملرد تەڭگە تولەندى»، - دەلىنگەن حابارلامادا.
سونىمەن قاتار وبلىستىق اشب «كۇتۋ پاراعىنا» سايكەس فەرمەرلەرگە 31،8 ملرد تەڭگەگە سۋبسيديانى تولەگەن جوق.
پايىزدىق مولشەرلەمەنى سۋبسيديالاۋدىڭ جاڭا ۇسىنىستارى بويىنشا 109،3 ملرد تەڭگەگە 5 077 ءوتىنىم بەرىلدى، قازىرگى ۋاقىتتا اشب 18،5 ملرد تەڭگەگە 968 ءوتىنىمدى ماقۇلداپ، رەزەرۆكە جىبەردى.
وسىلايشا، اۋىل شارۋاشىلىعى باسقارمالارىنا پايىزدىق مولشەرلەمەنى سۋبسيديالاۋ بويىنشا 57،3 ملرد تەڭگەگە 2 881 ۇسىنىس جەتكىزىلدى. قاعيدالارعا سايكەس بۇل ۇسىنىستارعا قاراجاتتىڭ تۇسۋىنە قاراي شارت جاسالىپ، قول قويىلادى. رەزەرۆتەن كەلىسۋ مەن قول قويۋ ساتىسىندا 724 شارت بار. 171 شارتقا قول قويىلدى.
ايتا كەتەيىك، ءقازىر ءبىرىڭعاي مەملەكەتتىك اقپاراتتىق سۋبسيديالاۋ جۇيەسى شتاتتىق رەجيمدە جۇمىس ىستەيدى جانە وندا 52 110 پايدالانۋشى تىركەلگەن.