رەسپۋبليكا بويىنشا توتەنشە ءورت ءقاۋپى ساقتالادى.
سينوپتيكتەر 13-15 شىلدە ارالىعىنا ارنالعان اۋا رايى بولجامىن جاريالادى، دەپ حابارلايدى Almaty-akshamy.kz
«قازگيدرومەت» رمك مالىمەتىنشە، الداعى كۇندەرى ەلدىڭ شىعىسىندا، 13 شىلدەدە وڭتۇستىكتە، وڭتۇستىك-شىعىستا، قازاقستاننىڭ ورتالىعىندا 45°س-قا دەيىن اپتاپ ىستىق بولادى.
«كۇندىز اۋا تەمپەراتۋراسى سولتۇستىكتە جانە ورتالىقتا +30°س-قا دەيىن، وڭتۇستىك پەن وڭتۇستىك-شىعىستا +30+37°س-قا دەيىن تومەندەيدى، رەسپۋبليكانىڭ باتىسىندا نەگىزگى فون +25+35°س بولادى»، - دەيدى سينوپتيكتەر.
سونداي-اق رەسپۋبليكانىڭ باسىم بولىگىندە نايزاعاي ويناپ، ەكپىندى جەل سوعىپ، بۇرشاق جاۋۋى مۇمكىن.
«14-15 شىلدەدە سولتۇستىك-باتىستا، 15 شىلدەدە ەلىمىزدىڭ سولتۇستىگىندە قاتتى جاڭبىر جاۋادى. رەسپۋبليكانىڭ وڭتۇستىگىندە، وڭتۇستىك-شىعىسىندا جانە وڭتۇستىك-باتىسىندا كۇن اشىق بولادى»، - دەلىنگەن حابارلامادا.