ەلىمىزدىڭ سۋ ايدىندارىندا ءبىر تاۋلىكتە 5 ادام قۇتقارىلدى.
ونىڭ ىشىندە 2 ءجاسوسپىرىم بار، دەپ حابارلايدى Almaty-akshamy.kz
وتكەن تاۋلىكتە اقمولا، شىعىس قازاقستان، باتىس قازاقستان جانە ماڭعىستاۋ وبلىستارىنىڭ سۋ ايدىندارىندا 5 ادام قۇتقارىلدى.
"ماسەلەن، كوكشەتاۋلىق قۇتقارۋشىلار قوپا كولىن پاترۋلدەۋ كەزىندە 1993 جىلى تۋعان ەر ادامدى قۇتقارىپ، جاعاعا جەتكىزدى. ول ماس كۇيىندە جاعادان 600-700 مەترگە ءجۇزىپ، ءوز كۇشىمەن جاعاعا جەتە الماعان. وسىعان ۇقساس جاعداي وسكەمەندە تىركەلدى. وندا ءوڭىردىڭ قۇتقارۋشىلارى ەرتىس وزەنىن پاترۋلدەۋ كەزىندە 1974 جىلى تۋعان ەر ادامدى قۇتقارىپ، جاعاعا جەتكىزدى"، - دەپ حابارلادى توتەنشە جاعدايلار مينيسترلىگىنىڭ باسپا ءسوز قىزمەتى.
جىل باسىنان بەرى رۇقسات ەتىلمەگەن ورىنداردا شومىلعان 2 702 ادامعا 23 810 728 تەڭگەگە ايىپپۇل سالىنعان.