5 بەكىرە تۇقىمداس بالىق ءولى كۇيىندە تابىلعان.
ماڭعىستاۋ جاعالاۋىن تەكسەرۋ بارىسىندا 64 ءولى يتبالىق پەن 5 بەكىرە تۇقىمداس بالىق تابىلدى، دەپ حابارلايدى Almaty-akshamy.kz Almaty.tv سىلتەمە جاساپ.
سايتتىڭ مالىمدەۋىنشە، فورت-شيەۆچەنكو تەڭىز پورتى ايماعىندا ۋرديۋك مۇيىسىنەن باۋتينسكايا مۇيىسىنە دەيىنگى جاعالاۋدان 64 يتبالىق پەن 5 بەكىرە تۇقىمداس بالىق ءولى كۇيىندە تابىلعان. وسى اقپارات بويىنشا ەكولوگتار جانە جەرگىلىكتى اتقارۋشى ورگاننىڭ بىرلەسكەن جۇمىس توبىن قۇرىپ، اۋماقتى زەرتتەۋ جۇمىستارىن جۇرگىزگەن.
«بۇل ءبىر كۇن بۇرىنعى وڭتۇستىك-باتىستان سوققان جەلدىڭ سالدارىنان بولىپ وتىر. زەرتحانالىق زەرتتەۋ ءۇشىن ولگەن جانۋارلاردان سىناما الىنىپ، توڭازىتقىشقا قويىلدى. سونداي-اق سۋ مەن اۋا سىنامالارى الىندى»،- دەپ حابارلايدى ماڭعىستاۋ وبلىسى بويىنشا بالىق ينسپەكسياسى باسقارماسى.
وسىعان دەيىن كاسپيي تەڭىزىنىڭ ماڭعىستاۋ بولىگىنەن 94 ءولى يتبالىق تابىلعانى حابارلانعان بولاتىن.
سونداي-اق ماڭعىستاۋدا يتبالىقتاردىڭ قىرىلۋىنا بايلانىستى زەرتتەۋ جۇرگىزىلەتىنى جازىلدى.