اقجارقىن تۇرلىبايدى ەلگە قايتارۋعا مۇمكىندىك تۋدى

بۇل تۋرالى ونىڭ ادۆوكاتى سۇڭقار نۇرماعامبەتوۆ ايتتى.

قىتايدا ءومىر بويىنا باس بوستاندىعىنان ايىرىلعان اقجارقىن تۇرلىبايدى قازاقستانعا قايتارۋعا ناقتى مۇمكىندىك بار، دەپ حابارلايدى Almaty-akshamy.kz

«2014 جىلى اقجارقىن تۇرلىباي گۋانچجوۋ اۋەجايىندا ۇستالدى. سول جىلى روستوۆ قالاسىنىڭ تۇرعىنى ماريا داپيركا حوشيمين قالاسىندا قاماۋعا الىندى. ورتالىق ازيا وڭىرلىك اقپاراتتىق ۇيلەستىرۋ ورتالىعى قىزداردى نيگەريالىق ەسىرتكى تاسىمالداۋشىلاردىڭ قۇربانى دەپ تانىدى، ەكەۋى دە ءومىر بويىنا باس بوستاندىعىنان ايىرىلدى. اقجارقىن تۇرلىبايعا قاتىستى ايتساق، جاقىن ارادا قازاقستانعا بەرىلەدى دەپ كۇتىپ وتىرمىز»، - دەپ جازدى نۇرماعامبەتوۆ جەلىدەگى پاراقشاسىندا.

ونىڭ ايتۋىنشا، ماريا داپيركانى ەلىنە قايتارۋعا پاندەميا، كوممۋنيكاسيانىڭ بۇزىلۋى، الەمدەگى رەسەيگە قاتىستى جاعداي اسەر ەتۋى مۇمكىن.

«قىزداردىڭ وتانىنا ورالۋىنا ناقتى مۇمكىندىك بار»، - دەپ تۇيىندەدى ول.

اقجارقىن تۇرلىباي 2014 جىلى ناۋرىزدا گۋانچجوۋ اۋەجايىندا ۇستالعان بولاتىن. وعان شەكارادان 4،5 كەلى ەسىرتكىنى الىپ وتپەك بولدى دەگەن ايىپ تاعىلدى. ول كەزدە وتانداسىمىز 20 جاستا بولعان ەدى. 2015 جىلدىڭ ماۋسىمىندا جۇڭگو سوتى ونى ءومىر بويىنا باس بوستاندىعىنان ايىردى. سوتتا اقجارقىن شەتەلدىك دوسى الداپ كەتكەنىن ايتىپ، كىناسىن مويىنداعان جوق.