بيىل بۇل ماقساتقا بيۋدجەتتەن 84،7 ملرد تەڭگە بولىنگەن.
تابىسى از وتباسىلاردىڭ مەكتەپ جاسىنا دەيىنگى بالالارىنا الەۋمەتتىك توپتاما بەرىلەدى، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
1 مامىرداعى مالىمەت بويىنشا 111،4 مىڭ وتباسىنداعى 571،1 مىڭ ادامعا اتاۋلى الەۋمەتتىك كومەك تاعايىندالدى.
اتاۋلى الەۋمەتتىك كومەك وتباسىنىڭ جان باسىنا شاققانداعى ورتاشا تابىسى وڭىرلىك كۇنكورىس دەڭگەيىنىڭ 70%-ىنەن تومەن ازاماتتارعا بەرىلەدى.
سونداي-اق، ااك كورسەتۋدىڭ جاڭا تەتىگىن ىسكە اسىرۋ اياسىندا بارلىق وڭىردە تابىسى از وتباسىلاردىڭ مەكتەپ جاسىنا دەيىنگى بالالارى كەپىلدەندىرىلگەن الەۋمەتتىك توپتامامەن قامتاماسىز ەتىلەدى.
1 مامىرداعى جاعداي بويىنشا ااك الۋشىلار قاتارىنداعى 1 جاستان 6 جاسقا دەيىنگى 144،6 مىڭ بالاعا ازىق-تۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما تاعايىندالدى، دەدى ەڭبەك مينيسترلىگى.
ەسكە سالساق، بيىل قاڭتار ايىندا توتەنشە جاعداي رەجيمىنە بايلانىستى 2021 جىلدىڭ 4 توقسانىندا اتاۋلى الەۋمەتتىك كومەك العان ازاماتتارعا تولەمدەر 2022 جىلعى 1 توقسانعا اۆتوماتتى تۇردە ۇزارتىلدى. بۇل رەتتە اتاۋلى كومەككە ەندى ىلىككەندەر ەلەكتروندى ۇكىمەت پورتالى ارقىلى ءوتىنىش بەرە الادى.