تۇراقتى مونيتورينگ جۇرگىزىلۋدە.
وتاندىق ماماندار كوكتەمدە بولاتىن سۋ تاسقىنى كەزەڭىنە دايىندالىپ جاتىر، دەپ حابارلايدى Almaty-akshamy.kz.
«رەسپۋبليكا اۋماعىنداعى سۋ تاسقىنىنا قارسى ق ر ەگترم سۋ رەسۋرستارى كوميتەتى «قازسۋشار» رمك-مەن بىرلەسىپ ءبىرقاتار الدىن الۋ شارالارىن جۇرگىزۋدە. بۇل تۋرالى كوميتەت ءتوراعاسى نۇرلان الدامجاروۆ ايتتى»، - دەلىنگەن ەكولوگيا مينيسترلىگىنىڭ باسپا ءسوز قىزمەتىنىڭ حابارلاماسىندا.
ونىڭ سوزىنشە، قازاقستاننىڭ بارلىق وڭىرلەرىندە سۋ تاسقىنىن وتكىزۋگە گيدروتەحنيكالىق قۇرىلىستار دايىندالدى، تاۋلىك بويى كەزەكشىلىك كەستەسى بەكىتىلگەن.
«قازىرگى ۋاقىتتا باسسەيندىك ينسپەكسيالارمەن بىرلەسىپ ەل اۋماعىنداعى سۋ تاسقىنى مەن جاعدايعا تۇراقتى مونيتورينگ جۇرگىزىلۋدە. وسى كەزەڭدە ەلدى مەكەندەردىڭ، اسىرەسە، سۋ باسۋ ءقاۋپى بار جەرلەردىڭ قاۋىپسىزدىگىن قامتاماسىز ەتۋ ماڭىزدى. بۇگىنگى تاڭدا گيدروتەحنيكالىق قۇرىلىستار شتاتتىق رەجيمدە جۇمىس ىستەۋدە جانە الداعى سۋ تاسقىنىنا دايىن»، - دەدى سۋ رەسۋرستار كوميتەتىنىڭ ءتوراعاسى نۇرلان الدامجاروۆ.
مامانداردىڭ ايتۋىنشا، ەلىمىزدە 300-دەن استام ۇلكەندى-كىشىلى سۋ قويماسى بار. ونىڭ 86-سى «قازسۋشار» رمك-عا تيەسىلى. كاسىپورىننىڭ بالانسىنداعى سۋ قويمالارى ورتا ەسەپپەن 40%-عا تولتىرىلعان.
«گيدروتەحنيكالىق نىساندى تولتىرۋ كەستەسى سۋ تاسقىنى كولەمىنە جانە ونىڭ ءوتۋ ۋاقىتىنا، پايدالانۋشىلاردىڭ سۋ تۇتىنۋ كولەمىنە جانە باسسەينارالىق اۋدارىمدارعا بايلانىستى. پايدالانۋ ەرەجەلەرىنە سايكەس سۋ قويمالارىنىڭ كولەمىن ازايتۋعا جول بەرىلمەيدى، ويتكەنى ولار ەكونوميكانىڭ بارلىق سالالارى مەن قورشاعان ورتانىڭ قاجەتتىلىكتەرىن قامتاماسىز ەتەدى»، - دەدى ءتوراعا.
ماماندار توتەنشە جاعداي تۋىنداعاندا جانە قولايسىز سۋ تاسقىنى بولا قالعاندا، وڭىرلەردە قاجەتتى اۆتوكولىك، ارنايى تەحنيكا، ينەرتتى ماتەريالدار، سورعى اگرەگاتتارى دايىن ەكەنىن ايتىپ وتىر.