كەي وڭىرلەردە تۇمان بولىپ، جەل كۇشەيەدى.
«قازگيدرومەت» ماماندارى جۇما كۇنى اۋا رايى قانداي بولاتىنىن ايتتى، دەپ حابارلايدى Almaty-akshamy.kz.
«قازاقستاننىڭ باسىم بولىگى انتيسيكلوننىڭ ىقپالىندا بولادى، سوندىقتان جاۋىن-شاشىنسىز اۋا رايى كۇتىلەدى، تەك رەسپۋبليكانىڭ وڭتۇستىك-باتىسى مەن سولتۇستىگىندە اتموسفەرالىق فرونتتار قار، جاياۋ بۇرقاسىن، وڭتۇستىك-باتىستا جاڭبىر جانە قار تۇرىندەگى جاۋىن-شاشىن مەن كوكتايعاقتىڭ بولۋىنا اسەرىن تيگىزەدى. رەسپۋبليكا بويىنشا كەي جەرلەردە تۇمان، جەلدىڭ كۇشەيۋى كۇتىلەدى»، - دەلىنگەن سينوپتيكتەردىڭ حابارلاماسىندا.
سولتۇستىك قازاقستان وبلىسىنىڭ تۇندە وڭتۇستىگىندە، شىعىسىندا، كۇندىز باسىم بولىگىندە جەل 15-20 م/س كۇشەيەدى، تۇندە وبلىستىڭ شىعىسىندا جاياۋ بۇرقاسىن، وبلىستىڭ وڭتۇستىك-باتىسىندا تۇمان بولجانادى. اقمولا وبلىسىنىڭ سولتۇستىگىندە، شىعىسىندا جاياۋ بۇرقاسىنمەن جەل 15-20 م/س كۇشەيەدى، وبلىستىڭ باتىسىندا تۇمان تۇسەدى.
تاڭەرتەڭ جانە كۇندىز الماتى وبلىسىنىڭ جالاڭاشكول اۋدانىندا جەل 15-20 م/س كۇشەيەدى. تۇركىستان وبلىسىنىڭ وڭتۇستىگىندە تۇمان كۇتىلەدى، تاۋلى اۋداندارىندا جەل 15-20 م/س كۇشەيەدى. باتىس قازاقستان وبلىسىنىڭ سولتۇستىك-شىعىسىندا، شىعىسىندا تۇمان كۇتىلەدى، كۇندىز وڭتۇستىگىندە جەل 15-20 م/س كۇشەيەدى. اقتوبە وبلىسىنىڭ سولتۇستىك-باتىسىندا، ورتالىعىندا تۇمان كۇتىلەدى، كۇندىز ورتالىعىندا جەل 15-20 م/س كۇشەيەدى.
جامبىل وبلىسىنىڭ سولتۇستىگىندە، تاۋلى اۋداندارىندا تۇمان، سولتۇستىك-شىعىسىندا جانە تاۋلى اۋداندارىندا جەلدىڭ 15-20 م/س كۇشەيۋى كۇتىلەدى. كۇندىز ماڭعىستاۋ وبلىسىنىڭ باتىسىندا كوكتايعاق كۇتىلەدى. اتىراۋ وبلىسىنىڭ شىعىسىندا، قوستاناي وبلىسىنىڭ وڭتۇستىگىندە، قاراعاندى وبلىسىنىڭ باتىسىندا، شىعىسىندا، قىزىلوردا وبلىسىنىڭ سولتۇستىگىندە تۇمان كۇتىلەدى.