وتكەن اپتامەن سالىستىرعاندا سىرقاتتانۋ كورسەتكىشى 3،2 ەسەگە وسكەن.
قازاقستاندا كوروناۆيرۋسپەن اۋرىپ جاتقانداردىڭ سانى ارتىپ كەلەدى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە ق ر دەنساۋلىق ساقتاۋ مينيسترلىگى مەديسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى كۇلايىم ءبىرجانوۆا ءمالىم ەتتى، دەپ حابارلايدى Almaty-akshamy.kz.
«الەمدە سىرقاتتانۋشىلىقتىڭ وسۋىمەن قاتار قازاقستاندا دا 20 ماۋسىمنان بەرى كۆي-مەن سىرقاتتانۋشىلىق ارتقانى بايقالادى. سوڭعى اپتادا، الدىڭعى اپتامەن سالىستىرعاندا، اۋرۋشاڭدىق 3،2 ەسە ءوستى. بۇرىن 2558 جاعداي تىركەلسە، ءقازىر بۇل كورسەتكىش 8156 جەتتى. سوڭعى تاۋلىكتە كۆي+ 2 480 جاعدايى جانە كۆي- 13 جاعدايى تىركەلدى»، - دەدى سپيكەر.
رەسمي مالىمەتتەرگە سايكەس، ولاردىڭ 80%-ىندا سوڭعى ۆاكسينالاۋ مەن ريەۆاكسيناسيادان كەيىن 6 ايدان اسا ۋاقىت وتكەن. نۇر-سۇلتان قالاسى 21 شىلدەدەن بەرى سارى ايماقتا تۇر، وزگە وڭىرلەر – جاسىل ايماقتا.