حوك بۇل سپورت ءتۇرىن جارىسقا قوسپاعان.
قازاقستاندىق جانە وزگە ەلدىڭ بوكسشىلارى وليمپيادا ويىندارىنا قاتىسپاۋى مۇمكىن. حالىقارالىق وليمپيادا كوميتەتى 2028 جىلى وتەتىن ويىن باعدارلاماسىنا بوكستى قوسپاعان، دەپ حابارلادى Almaty-akshamy.kz Allboxing.ru سايتىنا سىلتەمە جاساپ.
باسىلىمنىڭ حابارلاۋىنشا، حوك 2024 جىلى پاريجدە وتەتىن وليمپيادا ويىندارىنا ىرىكتەۋدىڭ جاڭا ءتارتىبىن ماقۇلدادى.
جاڭا ەرەجەگە سايكەس، پاريج وليمپياداسىنا ىرىكتەۋ 2023 جىلى وتەتىن ايماقتىق، حالىقارالىق تۋرنيرلەردىڭ قورىتىندىسى بويىنشا جۇرگىزىلەدى. بۇل سانتياگوداعى پانامەريكالىق ويىندار، كراكوۆتاعى ەۋروپا ويىندارى، سولومون ارالىنداعى تىنىق مۇحيتى ويىندارى جانە گۋانچجوۋداعى ازيا ويىندارى.
حوك قاۋىمداستىعى مەن افريكا ەلدەرى اراسىندا اككراداعى افريكا ويىندارىن دا ىرىكتەۋ ءتۋرنيرى رەتىندە ەسەپتەۋ تۋرالى كەلىسسوزدەر جۇرگىزىلۋدە.
سودان كەيىن 2024 جىلى حوك 2 دۇنيەجۇزىلىك ىرىكتەۋ ءتۋرنيرىن وتكىزۋدى جوسپارلاپ وتىر.
ال 2028 جىلى لوس-اندجەلەستە وتەتىن وليمپياداعا بوكسشىلاردىڭ قاتىسۋى كۇمان ۇستىندە. حالىقارالىق وليمپيادا كوميتەتى بۇل سپورت ءتۇرىن جارىسقا قوسپاعان. حوك حالىقارالىق بوكس فەدەراسياسىنداعى (IBA) جاعدايعا الاڭداۋشىلىق ءبىلدىرىپ، فەدەراسيانى رەفورمالاۋ پروسەسىن باقىلاۋدى جالعاستىرادى.