جانىبەك ءالىمحان ۇلى ۇزدىك توپ-15-تەن شىعىپ قالدى.
دۇنيەجۇزىلىك بوكس قاۋىمداستىعى (WBA) بارلىق سالماق دارەجەسىندەگى بوكسشىلار رەيتينگىنىڭ جاڭا نۇسقاسىن ۇسىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وسىنىڭ الدىندا جەتىنشى بولعان ورتا سالماقتاعى جانىبەك ءالىمحان ۇلى ۇزدىك توپ-15-تەن شىعىپ قالدى.
ەسكە سالايىق، 22 مامىردا «قازاق ءستيلى» لاقاپ اتىمەن بەلگىلى بوكسشى بريتاندىق دەنني ديگنۋمدى نوكاۋتقا جىبەرىپ، WBO تۇجىرىمى بويىنشا «ارالىق» الەم چەمپيونى اتاعىن جەڭىپ الدى.
WBA Super نۇسقاسى بويىنشا ورتا سالماقتاعى چەمپيون – قازاقستاندىق گەنناديي گولوۆكين. ول IBF جانە IBO بەلدىكتەرىنە يە.
رەيتينگتىڭ العاشقى «ۇشتىگىنە» بريتاندىق كىشى كريس يۋبانك، مەكسيكالىق حايمە مۋنگيا جانە جاپون بوكسشىسى ريوتا مۋراتا ەنگەن.
بۇعان دەيىن Boxrec.com سايتىنىڭ ۇزدىك قازاقستاندىق بوكسشىلار رەيتينگىنىڭ جاڭارتىلعان نۇسقاسىن ۇسىنعان بولاتىنبىز. وندا جانىبەك ءالىمحان ۇلى (12-0، 8 كو) گەنناديي گولوۆكيننەن (42-1-1، 37 كو) كەيىن ەكىنشى ورىندا تۇر.