الەم چەمپيوندارىنىڭ تىزىمىندە جوق.
تانىمال قازاقستاندىق بوكسشى دانيار ەلەۋسىنوۆ (11-0، 6 كو) حالىقارالىق بوكس ۇيىمىنىڭ (IBO) نۇسقاسى بويىنشا جارتىلاي ورتا سالماقتاعى الەم چەمپيونى اتاعىنان ايىرىلدى، دەپ حابارلايدى Almaty-akshamy.kz Sports.kz -كە سىلتەمە جاساپ.
2022 جىلدىڭ 27 جەلتوقسانىنداعى جاعداي بويىنشا، ەلەۋسىنوۆ IBO سايتىنداعى الەم چەمپيوندارىنىڭ تىزىمىندە جوق، بۇعان دەيىن ونىڭ ەسىمى مەن سۋرەتى ءتيىستى بولىمدە تۇرعان. سونىمەن قاتار بەدەلدى BoxRec.com پورتالىندا جارتىلاي ورتا سالماقتاعى چەمپيوندىق بەلبەۋ بوس دەپ كورسەتىلگەن.
دانيار ەلەۋسىنوۆ سوڭعى جەكپە-جەگىن وتكەن جىلدىڭ 18 جەلتوقسانىندا استانادا وتكىزىپ، ارگەنتينالىق حۋان ەرنان لەالدى (15-3، 4 كو) جەڭىپ، IBO چەمپيونى اتاعىن جەڭىپ العان بولاتىن.
ەسكە سالساق، بۇعان دەيىن دانيار ەلەۋسىنوۆ جاقىن ارادا سپورتتىق مانسابىن اياقتاۋ ماسەلەسىنە قاتىستى پىكىر ءبىلدىرىپ، بوكس وزىنە ونشا ۇنامايتىندىعى تۋرالى ايتقان ەدى.