زاڭ جوباسىن قىسقاشا تانىستىردى.
ءماجىلىس «قازاقستان رەسپۋبليكاسىنىڭ كەيبىر زاڭنامالىق اكتىلەرىنە رەزەرۆتەگى قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسىن قاراۋعا الدى، دەپ حابارلايدى Almaty-akshamy.kz Baq.kz سايتىنا سىلتەمە جاساپ.
حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى ايگۇل قۇسپان زاڭ جوباسىن قىسقاشا تانىستىردى.
«بۇل زاڭ جوباسى جۇمىلدىرۋ كەزەڭىندە، سونداي-اق تابيعي جانە تەحنوگەندى سيپاتتاعى توتەنشە جاعداي كەزەڭىندە قارۋلى كۇشتەردى اسكەري وقىتىلعان رەزەرۆشىلەرمەن كەپىلدى تولىق جاساقتاۋدى رەگلامەنتتەۋگە باعىتتالعان. وزگەرىستەر مەن تولىقتىرۋلار رەزەرۆتە اسكەري قىزمەت وتكەرۋمەن بايلانىستى، اتاپ ايتقاندا، «رەزەرۆتەگى ادام» ۇعىمى ەنگىزىلەدى، رەزەرۆتەگى اسكەري قىزمەتكە كىرۋ جانە ونى وتكەرۋ ءتارتىبى، رەزەرۆتەگى ادامنىڭ قۇقىقتارى مەن مىندەتتەرى جانە ونى الەۋمەتتىك قامتاماسىز ەتۋ ايقىندالادى»، - دەدى كوميتەت ءتوراعاسى.
ءماجىلىس قاۋلىنىڭ جوباسىن داۋىسقا سالىپ، ونى جۇمىسقا قابىلدادى.