قازاقستاندا جەكە باسقارۋعا بەرىلگەن زەينەتاقى جيناقتارىنا مەملەكەتتىك كەپىلدىك بولمايدى

كەپىلدىك ولاردىڭ ۇلتتىق بانك باسقاراتىن بولىگىنە عانا قولدانىلادى.

قازاقستاندىقتارعا زەينەتاقى جيناقتارىنىڭ ءبىر بولىگىن جەكە باسقارۋعا بەرۋگە رۇقسات ەتىلەدى، ءبىراق ولارعا مەملەكەتتىك كەپىلدىكتەر قولدانىلمايدى، دەپ حابارلايدى Almaty-akshamy.kz LS سىلتەمە جاساپ.

ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا الەۋمەتتىك كودەكستە قازاقستاندىقتاردى زەينەتاقىمەن قامسىزداندىرۋ بولىگىندە جوسپارلانعان وزگەرىستەر تۋرالى ايتتى.

"سالىمشىلاردىڭ ءوز اكتيۆتەرىن باسقارۋ جونىندەگى قۇقىقتارىن كەڭەيتۋ بويىنشا وزگەرىستەر ەنگىزىلۋدە. سالىمشىلار جيناقتاردىڭ 50%-دان اسپايتىن بولىگىن جەكە باسقارۋعا بەرە الادى. الايدا زەينەتاقى جيناقتارىنىڭ ساقتالۋىنا مەملەكەتتىك كەپىلدىك ولاردىڭ ۇلتتىق بانك باسقاراتىن بولىگىنە عانا قولدانىلادى"، - دەپ ءتۇسىندىردى مينيستر.

سونىمەن قاتار، دۇيسەنوۆانىڭ ايتۋىنشا، اعا ۇرپاق جانە بۇگىنگى بۋىن زەينەتكەرلەرى ءۇشىن الداعى بەس جىلدا بازالىق زەينەتاقى ۇلعايادى. سونداي-اق، ەڭبەك زەينەتاقىسىنىڭ مولشەرىن ەسەپتەۋ ءۇشىن پايدالانىلاتىن ەڭ جوعارى تابىس مولشەرى 46 (140،8 مىڭ تەڭگە) اەك-تەن 55 (168،4 مىڭ تەڭگە) اەك-كە دەيىن نەمەسە ورتاشا جالاقىنىڭ 70%-نا دەيىن ۇلعايادى.

بۇل رەتتە ءوز جيناقتارى ەسەبىنەن زەينەتاقى قالىپتاستىراتىن بولاشاق زەينەتكەرلەر ءۇشىن 2024 جىلعى 1 قاڭتاردان باستاپ جۇمىس بەرۋشىلەردىڭ قوسىمشا زەينەتاقى جارنالارى ەنگىزىلەتىن بولادى.