جاتتىعۋدىڭ ءبىرىنشى كەزەڭىندە بەكەتتىڭ اۋماعىن تازارتۋ جانە تەكسەرۋ جۇرگىزىلدى.
قازاقستاندىق بىتىمگەرلىك روتانىڭ جەدەل ارەكەت ەتۋ كۇشتەرى يرلانديالىق ارىپتەستەرىمەن جارالانعان ادامدى ەۆاكۋاسيالاۋ بويىنشا بىرلەسكەن جاتتىعۋ وتكىزدى، دەپ حابارلايدى Almaty-akshamy.kz قازاقستان رەسپۋبليكاسى قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
دابىلمەن كوتەرىلگەن بولىمشە تەز ارادا گولان جوتالارىندا بۇۇ ميسسياسىنىڭ جاۋاپكەرشىلىك ايماعىنداعى بازادان بىرنەشە شاقىرىم جەردە ورنالاسقان باقىلاۋ بەكەتىنە كەتتى.
سودان كەيىن مەديسينالىق ءبولىم جارالانعان ادامعا جەدەل كومەك كورسەتتى. ول ارنايى جابدىقتالعان بروندى دوڭگەلەكتى كولىكپەن ەۆاكۋاسيالاندى.
قازاقستاندىق بىتىمگەرلەر ميسسيانىڭ جاۋاپكەرشىلىك ايماعىنداعى باقىلاۋ بەكەتتەرىن كۇشەيتۋگە جاۋاپتى ەكەنىن اتاپ وتكەن ءجون. قاجەت كەزدە ولار ەۆاكۋاسيا دا جۇرگىزەدى.