سوڭعى جىلدارى قازاقستاندىق يننوۆاسيالىق ونىمدەردى ساتۋدان تۇسكەن كىرىس كولەمى 16 ملرد تەڭگەنى قۇراعان.
سىرتقى نارىقتا قازاقستاندىق بيوپرەپاراتتار ۇلكەن سۇرانىسقا يە. مىسالى، ميكروبيولوگيا جانە ۆيرۋسولوگيا ينستيتۋتىنىڭ زاۋىتىندا شىعارىلعان 12 بيولوگيالىق پرەپارات شەتەلگە ساتىلادى، دەپ حابارلايدى Alvfty-akshamy.kz
پرەپاراتتار مەديسينا، اۋىل شارۋاشىلىعى، تاماق ونەركاسىبى، ەكولوگيا سالالارى مەن ەكونوميكانىڭ وزگە دە سەكتورىنا ارنالعان.
«ءونىمدى وزىمىزدە دە ساتىپ الىپ جاتىر. بۇرىن شەتەلدىك انالوگتار بولدى. قازىرگى تاڭدا ولاردى قازاقستاندىق نارىقتان شىعاردىق دەۋگە بولادى. شەتەلدىك انالوگتارعا قاراعاندا وتاندىق ءونىمنىڭ ساپاسى الدەقايدا جوعارى. بۇل مەنىڭ ەمەس، تۇتىنۋشىنىڭ پىكىرى. ءونىمنىڭ ەش پايداسى بولماسا، ونى ەشكىم قولدانعىسى دا، ساتىپ العىسى دا كەلمەيدى. بۇگىندە ءبىز ميلليارد ءونىمدى ەكسپورتقا ساتىپ وتىرمىز»، - دەيدى ميكروبيولوگيا جانە ۆيرۋسولوگيا ينستيتۋتىنىڭ باس ديرەكتورى، بيولوگيا عىلىمدارىنىڭ دوكتورى، پروفەسسور امانكەلدى سادانوۆ.