ق ر پرەمەر-مينيسترىنىڭ ورىنباسارى ەرالى توعجانوۆ ءماجىلىس وكىلدەرىنىڭ دەپۋتاتتىق ساۋالىنا جولداعان جاۋابىندا اۋرۋحانالارداعى كلينيكالىق دارىگەرلەردىڭ تاپشىلىعى قالاي شەشىلەتىنىن ءتۇسىندىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«تالداۋلار اۋداندىق اۋرۋحانالاردا عانا ەمەس، قالالىق جانە وبلىستىق دەڭگەيلەردە دە كادر تاپشىلىعى بار ەكەنىن كورسەتتى. جىل سايىن رەزيدەنتۋرادا بىلىكتى ماماندارمەن قامتاماسىز ەتۋ ءۇشىن كلينيكالىق ماماندىقتار بويىنشا كادر دايارلاۋعا مەملەكەتتىك ءبىلىم بەرۋ تاپسىرىسى بولىنەدى. 2021 جىلى سونىڭ اياسىندا 1500 ورىن ءبولىندى. ونىڭ ىشىندە 26 نيەۆرولوگ، 200 انەستەزيولوگ-رەانيماتولوگ، 18 نەيروحيرۋرگ بار»، - دەلىنگەن جاۋاپتا
ونىڭ ايتۋىنشا، جىل سايىن رەسپۋبليكالىق بيۋدجەتتەن مەديسينا قىزمەتكەرلەرىنىڭ كاسىبي دەڭگەيىن ارتتىرۋعا قاراجات بولىنەدى. اتاپ ايتقاندا، 2020 جىلى بىلىكتىلىكتى ارتتىرۋدان 10 578 دارىگەر وتكەن. ونىڭ ىشىندە 743 انەستەزيولوگ-رەانيماتولوگ، 269 نيەۆرولوگ، 49 مەديسينالىق رەابيليتولوگ، 34 نەيروحيرۋرگ بار.
«2021 جىلى جەرگىلىكتى بيۋدجەتتەر ەسەبىنەن 161 مامان شەتەلدە وقۋدان ءوتتى. شەتەلدىڭ جەتەكشى ماماندارىنىڭ قاتىسقان ماستەر-كلاستاردا 734 ادام وقىتىلدى. ونىڭ ىشىندە 30 ادام «ينسۋلت العان ناۋقاستاردى وڭالتۋداعى مۋلتيديسيپلينارلىق ءتاسىل» تاقىرىبىندا (رەسەي فەدەراسياسى)، 11 ادام «جۇلىن نەيروحيرۋرگياسىنىڭ وزەكتى ماسەلەلەرى» تاقىرىبىندا» (گەرمانيا) ءبىلىمىن جەتىلدىردى. بيىل «ينسۋلت كەزىندە مەديسينالىق كومەك كورسەتۋ» باعىتى بويىنشا 154 دارىگەر (نيەۆرولوگ، مەديسينالىق رەابيليتولوگ، نەيروحيرۋرگ) جانە 220 ورتا مەديسينالىق قىزمەتكەردى وقىتۋ كوزدەلگەن،» - دەپ جازادى پرەمەر-مينيستردىڭ ورىنباسارى.