ەلدار ياعيايەۆ - 28 جاستا. ول تۋرنيككە 35 كەلى جۇكپەن بىرگە تارتىلىپ، الەمدىك رەكوردتى جاڭارتتى.
وسىلايشا، ول يسپاندىق سپورتشىنىڭ 34،4 كەلى كورسەتكىشىنەن اسىپ ءتۇستى، دەپ حابارلايدى Almaty-akshamy.kz.
اقتاۋلىق جىگىت بۇعان دەيىن دە بەلتەمىرگە 19 كەلى جۇكپەن تارتىلىپ، رەكورد ورناتقان بولاتىن. كوشەدەگى ۆوركاۋت الاڭداردا جاتتىعىپ، شىڭدالعان جاس جىگىت - بۇگىندە سپورتتىڭ وسى تۇرىنەن الەمنىڭ جەتى دۇركىن چەمپيونى. ول ءقازىر كەزەكتى جارىسقا دايىندالىپ جاتىر.
«ءقازىر بارلىق اۋلادا جانە تەڭىز جاعالاۋىندا تۋرنيك بار. سوندا قىسى- جازى، سپورتپەن تەگىن شۇعىلدانۋعا بولادى. بارىنە قولجەتىمدى سپورت ءتۇرى، ەشقانداي اقشا تولەم قاجەت ەمەس. سوندىقتان سپورتتىڭ وسى ءتۇرىن دامىتىپ، وعان جاستاردىڭ قىزىعۋشىلىعىن وياتسام دەگەن ماقساتىم بار»، - دەيدى سپورتشى ەلدار ياعيايەۆ.