بۇل باستامانى ىسكە اسىرۋعا بيۋدجەتتەن 28 ميلليارد تەڭگە ءبولىندى.
ميكروكرەديت كاسىپكەرلىك قىزمەتتى باستاعىسى كەلەتىن نەمەسە كاسىپكەرلىكپەن اينالىساتىن 21 جاستان 35 جاسقا دەيىنگى ازاماتتارعا كونكۋرستىق نەگىزدە بەرىلەدى، دەپ حابارلايدى Almaty-akshamy.kz
ەڭبەك جانە حالىقتى الەۋمەتتىك قورعاۋ ۆيسە-مينيسترى اقمادي سارباسوۆ جاستارعا ارنالعان 2،5 پايىزدىق نەسيە كەلەسى ايدا بەرىلە باستايتىنىن ايتتى.
مينيسترلىك كرەديت بەرۋ ەرەجەلەرىن ازىرلەگەن. ادىلەت مينيسترلىگىنەن تىركەۋدەن وتكەن.
«ءبىزدىڭ تاراپىمىزدان بارلىق شەشىم قابىلداندى. قازىرگى كەزدە جەرگىلىكتى اتقارۋشى ورگاندارمەن وسى مەحانيزم بويىنشا جۇمىس ىستەپ جاتىرمىز. وسى ايدا جەرگىلىكتى اتقارۋشى ورگاندار مەن قارجى مينيسترلىگى كرەديت كەلىسىمىنە قول قويسا، كەلەسى ايدا باستايمىز»، - دەدى سارباسوۆ.
جەڭىلدەتىلگەن كرەديتتىڭ شارتتارى:
نومينالدى سىياقى مولشەرلەمەسى – جىلدىق 2،5%؛
قارىزدىڭ ەڭ جوعارى سوماسى – 5 ميلليون تەڭگە (ول ءۇشىن كەپىلدىك قويۋ كەرەك)؛
مەرزىمى – 5 جىل، ال مال شارۋاشىلىعى سالاسى بولسا - 7 جىل.
نەگىزگى بەرەشەك پەن سىياقىنى وتەۋ بويىنشا جەڭىلدىك كەزەڭى قاراستىرىلعان. ول كرەديت بەرىلگەن مەرزىمنىڭ ۇشتەن بىرىنەن اسپاۋى شارت. ال مۇمكىندىگى شەكتەۋلى ازاماتتارعا كرەديت وتەۋسىز بەرىلەدى.