قازاقستاندىق باسكەتبولشىلار الەم چەمپيوناتىنىڭ ەكىنشى اينالىمىنا شىقتى

ەلىمىزدىڭ قۇراماسى D توبىندا سىنعا ءتۇستى.

باسكەتبولدان قازاقستان قۇراماسى 2023 جىلعى الەم چەمپيوناتى ىرىكتەۋ ساتىسىنىڭ ەكىنشى اينالىمىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

قازاقستاندىق باسكەتبولشىلار D توبىندا سىنعا ءتۇستى. ۇلتتىق قۇراما سيريا مەن يراندى ەكى-ەكىدەن جەڭسە. باحرەيندى ءبىر مارتە ءسۇرىندىرىپ، جارىستىڭ كەلەسى اينالىمىنا جولداماعا ەرتەرەك قول جەتكىزدى. التىنشى كەزدەسۋدە باحرەينگە ەسە جىبەرگەنمەن، ول تۋرنير كەستەسىندەگى كورسەتكىشكە كەرى اسەرىن تيگىزگەن جوق. 

ەندى قازاقستاندىق باسكەتبولشىلار باحرەين، يران قۇرامالارىمەن بىرگە اۆستراليا، جۇڭگو جانە جاپونيامەن جولدامانى ساراپقا سالادى. العاشقى ءۇش ورىنداعى قۇرامالار الەم چەمپيوناتىنا قاتىسادى.

 قازاقستاندىق باسكەتبولشىلار بۇعان دەيىن بىردە-بىر مارتە اتالعان دودادا ب ا ق سىناعان ەمەس. 

ىرىكتەۋ ويىندارى بيىلعى تامىز، قاراشا جانە 2023 جىلدىڭ اقپان ايىندا وتكىزىلەدى. 

ءدۇبىرلى دودا 2023 جىلدىڭ 25 تامىز جانە 10 قىركۇيەك ارالىعىندا جاپونيا، فيليپپين جانە يندونەزيا مەملەكەتتەرىندە وتكىزىلەدى. 

ەسكە سالساق، بۇدان بۇرىن فۋتبولدان قازاقستان قۇراماسى FIFA رەيتينگىسىندە 11 cاتىعا جوعارىلادى.