الماتىدا الاياق ايەل قولعا ءتۇستى

ۇستالعان ازاماتشا بۇرىن دا وسىعان ۇقساس قىلمىستار ءۇشىن سوتتالعان. 

الماتىدا 5 الاياقتىق جايتىنا قاتىسى بار ايەل ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.

پوليسيا قىزمەتكەرلەرى الماتى قالاسىنىڭ 29 جاستاعى تۇرعىنىنا قاتىستى 5 الاياقتىق دەرەگىن دالەلدەدى.

«ق ر قىلمىستىق ءىس جۇرگىزۋ كودەكسىنىڭ 128-بابىنا سايكەس، ق ر قك-نىڭ 190-بابى 3-بولىگىندە (بىرنەشە رەت جاسالعان الاياقتىق) كوزدەلگەن قىلمىستىق قۇقىق بۇزۋشىلىقتى جاسادى دەگەن كۇدىكپەن 29 جاستاعى ا.ەسىمدى ازاماتشا ۇستالدى. كۇدىكتىگە قاتىستى تەرگەۋ اۋدانارالىق سوتى «قاماۋ» تۇرىندەگى بۇلتارتپاۋ شاراسىن تاڭدادى. تەرگەۋ بارىسىندا بويجەتكەننىڭ ءوزىن بانكتەردىڭ ءبىرىنىڭ قىزمەتكەرى رەتىندە تانىستىرىپ، ادامدارعا كەپىلسىز، تومەن پايىزبەن نەسيە الۋعا كومەكتەسۋگە ۋادە بەرگەندىگى انىقتالدى»، – دەدى ناۋرىزباي اۋداندىق پوليسيا باسقارماسىنىڭ باستىعى ديدار احانوۆ.

ايتپاقشى، ايەل قىزمەتى ءۇشىن 120-دان 170 مىڭ تەڭگەگە دەيىن سۇراعان.  ۇستالعان ازاماتشانىڭ بۇرىندا زاڭمەن ماسەلەلەرى بولعان، ول وسىعان ۇقساس قىلمىستار ءۇشىن سوتتالعان. 

پوليسەيلەر وسى ازاماتشانىڭ ارەكەتىنەن زارداپ شەككەندەردى، پوليسياعا مىنا تەلەفون نومىرلەرى ارقىلى حابارلاسۋلارىن سۇرايدى: 8-707-447-07-50؛  8-747-699-70-02.