اتىراۋ-استراحان اۆتوجولىنىڭ (824-833) شاقىرىم اراسى كولىك قوزعالىسى ءۇشىن اشىلدى، دەپ حابارلايدى اlmaty-akshamy.kz اتىراۋ وبلىسى وڭىرلىك كوممۋنيكاسيالار قىزمەتىنە سىلتەمە جاساپ.
اتىراۋ – رف شەكاراسى (استراحان) اۆتوجولىنىڭ اتىراۋ وبلىسىنا قاراستى ۋچاسكەسىنىڭ ۇزىندىعى 217 شاقىرىمدى قۇرايدى. تاسجول 4 ۋچاسكەگە بولىنگەن. ونىڭ العاشقى (824-833 شاقىرىم اراسى) 9 شاقىرىم قۇرايتىن بولىگىنىڭ تومەنگى قابات جابىندىسى ارقىلى كولىك قوزعالىسىنا رۇقسات بەرىلدى.
جول توسەمىنىڭ ەنى – 9 مەتر، قالىڭدىعى – 57 سانتيمەتر. جوبا اياسىندا 220 مامان مەن 163 ارنايى تەحنيكا جۇمىلدىرىلدى.
سونداي-اق جولدىڭ بويىندا ورنالاسقان ەلدى مەكەندەردىڭ تۇسىنا مال وتەتىن وتكەلدەر مەن اۆتوبۋس ايالدامالارى، كولىك تۇراعىمەن قوسا كوپىرلەر سالىنادى دەپ جوسپارلانعان.
ەسكە سالا كەتەيىك، رەسپۋبليكالىق ماڭىزعا يە "اتىراۋ-استراحان" تاس جولى بويىنشا قايتا جاڭعىرتۋ جۇمىستارى 2018 جىلى باستالدى. 2023 جىلى تولىقتاي پايدالانۋعا بەرىلەدى دەپ جوسپارلانىپ وتىر.