«سبەربانك قازاقستاننىڭ» اتاۋى وزگەرەدى.
«بايتەرەك» ۇلتتىق باسقارۋشى حولدينگىنىڭ باسقارما ءتوراعاسى قانات شارلاپايەۆ «سبەربانك قازاقستان» رەبرەندينگ وتكىزىپ، «بەرەكە» اتاۋىن الاتىنىن مالىمدەدى، دەپ حابارلايدى Almaty-akshamy.kz.
بۇل تۋرالى شارلاپايەۆ Shishkin_like ارناسىنا بەرگەن سۇحباتىندا ايتتى.
ونىڭ ايتۋىنشا، رەبرەندينگ مىندەتتى تۇردە بولادى.
«1 قىركۇيەكتە مەنشىك قۇقىعىن بەرۋ بويىنشا ترانزاكسيانى جاۋىپ تاستادىق. جاڭا بانك «بەرەكە بانك» دەپ اتالادى. بۇل قازاقتىڭ جاقسى ءسوزى، سەبەبى قازاقتار بىر-بىرىنە ءاردايىم بەرەكە مەن مولشىلىق تىلەپ وتىرادى. ءبىز دە بۇل قۇندىلىقتاردى ساقتاي وتىرىپ، ءارى قاراي جۇمىس ىستەي بەرەمىز»، - دەدى قانات شارلاپايەۆ ءوز سوزىندە.