قازاقستاندىق بالۋان ازامات داۋلەتبەكوۆ اقش-تىڭ ايوۆا شتاتىنداعى كورالۆيلل قالاسىندا ەركىن كۇرەستەن وتكەن الەم كۋبوگى جارىسىندا قولا جۇلدەگەر اتاندى.
«سپورتتى دامىتۋ ديرەكسياسى» رمقك-دان ءمالىم ەتكەنىندەي، ازامات 86 كەلىگە دەيىنگى سالماقتا الەم قۇراماسى ساپىندا كىلەمگە شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الەم قۇراماسى باسەكەنى ەكىنشى اينالىمنان باستادى. وندا ا.داۋلەتبەكوۆ جاپونيالىق تاسۋيا شيرايدى 9:1 ەسەبىمەن تىزە بۇكتىردى. دەگەنمەن جارتىلاي فينالدا يراندىق اليرەزا مۇحاممەد كاريميماچيانيگە جول بەردى.
ازامات قولا جۇلدە ءۇشىن بەلدەسۋدە گرۋزيالىق ساندرو ءاميناشۆيليدى 8:2 ەسەبىمەن ۇتىپ، ۇزدىك ۇشتىككە ىلىكتى.