سۇلۋلىق سالوندارى 24،4 ملرد تەڭگەگە قىزمەت كورسەتتى.
وسى جىلدىڭ قاڭتار-قىركۇيەك ارالىعىندا شاشتارازدار مەن سۇلۋلىق سالوندارى 24،4 ملرد تەڭگەگە قىزمەت كورسەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۇلتتىق ستاتبيۋرو مالىمەتىنە قاراعاندا، سۇلۋلىق قىزمەتىن كورسەتۋشىلەردىڭ باعاسى جىلدىق ماندە (2021 جىلدىڭ قاراشا ايىمەن سالىستىرعاندا) 17%-عا ءوستى.
قاراشا ايىندا قازاقستاندا ايەلدەردىڭ شاش قيۋ قىزمەتىنىڭ ورتاشا باعاسى 2 744 تەڭگەنى قۇرادى.
وڭىرلەر اراسىندا بۇل قىزمەت استانالىق حانىمدار ءۇشىن قىمباتقا شىعادى ەكەن – 4 166 تەڭگە، ەڭ ارزانى سەمەيدە – 1 714 تەڭگە.
قالعان قالالاردا ايەلدەردىڭ شاشىن قيۋ قىزمەتىنىڭ باعاسى 2 مىڭنان 3 مىڭ تەڭگەگە دەيىن بارادى.
ەلىمىزدە ەرلەردىڭ شاش قيۋ قىزمەتىنىڭ ورتاشا باعاسى ايەلدەرگە قاراعاندا ءسال ارزان – 2 037 تەڭگە.
ەر ازاماتتاردىڭ شاشىن الۋ باعاسى الماتىدا ەڭ قىمبات – 2979 تەڭگە، ارزانى قىزىلوردادا – 1355 تەڭگە.
باسقا قالالارداعى باعا دياپازونى - 1400-دەن 2500 تەڭگەگە دەيىن.