قازاقستاندىق بالاباقشالارعا بەينەكامەرا قويۋ مىندەتتەلەدى

بۇل تۋرالى مينيستر اسحات ايماعامبەتوۆ ايتتى.

قازاقستاننىڭ ءبىلىم جانە عىلىم ءمينيسترى اسحات ايماعامبەتوۆ بارلىق بالاباقشالاردا مىندەتتى تۇردە بەينەكامەرا بولۋى كەرەكتىگىن ايتتى، دەپ حابارلايدى Almaty-akshamy.kz Aikyn.kz سىلتەمە جاساپ.

2011 جىلدارى بالالاردى بالاباقشامەن قامتۋ كولەمىن ارتتىرۋ ماقساتىندا بەينەباقىلاۋ كامەرالارى الىنعان. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ «ەۋرازيا» ءبىرىنشى ارناسىنىڭ «اينا» باعدارلاماسىنا بەرگەن سۇحباتىندا ايتتى.

ءمينيستردىڭ ايتۋىنشا، شاعىن بيزنەس، بالاباقشالاردى كوبەيتۋ كەرەك، وعان ەشقانداي كەدەرگى بولماۋ كەرەك دەگەن ءپرينسيپتىڭ سالدارىنان مەكەمەلەردىڭ تالابى تومەندەتىلگەن.  ەندى ول جاڭا بۇيرىققا قول قوياتىنىن ەسكەرتتى.

«بۇل ءبىزدىڭ بيزنەسىمىز» دەپ جەكەمەنشىك بالاباقشالار مۇنىمەن كەلىسپەي جاتىر. ارينە، بۇل بيزنەستىڭ دامىعانىن قولدايمىز، ءبىراق ءبىز ءبىر ماسەلەنى ءتۇسىنۋىمىز كەرەك. بىزگە نە كەرەك؟ بالالار ساپالى ءبىلىم، سانالى تاربيە الۋى ءتيىس. ولار ءقاۋىپسىز ورتادا ءومىر ءسۇرۋى كەرەك. سوندىقتان ءبىز ءبارىن تۇسىنەمىز، ءبىراق تالاپتاردى قاتايتامىز. بارلىق بالاباقشالاردا مىندەتتى تۇردە بەينەكامەرا بولۋى كەرەك»، – دەدى اسحات ايماعامبەتوۆ.

مينيستر وتكەن جىلدىڭ سوڭىندا بالاباقشالارعا تەكسەرۋ جۇرگىزۋ قايتا قولعا الىنعانىن ايتتى. ناتيجەسىندە بالاباقشالاردىڭ 80 پايىزى تەكسەرىستەن وتە الماعان.