19 شەتەل ازاماتى كۇدىكتى رەتىندە ۇستالعان.
قازاقستاننىڭ باس پروكۋراتۋراسى قىلمىستىق ىستەردى قاداعالاۋ قىزمەتىنىڭ باستىعى سەرىك شالابايەۆ قاڭتار وقيعاسى كەزىندە ۇستالعان شەتەلدىكتەردىڭ قانداي كۇدىككە ىلىنگەنىن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تەرروريزم جانە جاپپاي تارتىپسىزدىككە قاتىسۋ كۇدىگى بويىنشا ۇستالعانداردىڭ اراسىندا شەتەل ازاماتتارى بولدى ما؟» - دەپ سۇرادى دەپۋتات اسقاربەك ۇيسىمبايەۆ ءماجىلىستىڭ جالپى وتىرىسىندا.
باس پروكۋراتۋرا وكىلىنىڭ ايتۋىنشا، ءقازىر 19 شەتەل ازاماتى كۇدىكتى رەتىندە ۇستالعان.
«بۇگىنگى تاڭدا بىزدە قىلمىستىق ءوندىرىس بويىنشا جالپى 19 شەتەلدىك ازامات بار. ونىڭ باسىم كوپشىلىگى، ياعني 11ء-ى – وزبەكستان ازاماتتارى، تورتەۋى رەسەيدەن، ەكەۋى قىرعىزستاننان جانە جۇڭگو حالىق رەسپۋبليكاسى مەن تاجىكستاننان 1 ادامنان بار. بۇل ازاماتتاردىڭ ىس-ارەكەتتەرى جاپپاي تارتىپسىزدىكتەرگە قاتىسۋ بويىنشا ۇرلىق جانە باسقا دا قىلمىستارمەن دارەجەلەنەدى. ارينە، بۇل مالىمەتتەر تۇپكىلىكتى ەمەس. تەرگەۋ ءجۇرىپ جاتىر، وزگەرۋى مۇمكىن»، - دەدى سەرىك شالابايەۆ.