قازاقستاندىق اۋىر اتلەت - ازيا چەمپيوناتىنىڭ جۇلدەگەرى

ەراسىل وماروۆ – ازيا چەمپيوناتىنىڭ جۇلدەگەرى.

تاشكەنتتە اۋىر اتلەتيكادان جاستار مەن جاسوسپىرىمدەر اراسىنداعى قۇرلىقتىق دودا ءوتىپ جاتىر، دەپ حابارلايدى Almaty-akshamy.kz «حابار 24» سايتىنا سىلتەمە جاساپ.

بايراقتى باسەكەگە 21 ەلدەن 300-دەن اسا قاتىسۋشى جينالدى. جارىستىڭ العاشقى كۇندەرى جەڭىل سالماقتاعى سىندار بولدى. ماسەلەن، 55 كەلىگە دەيىنگىلەر اراسىندا ەل نامىسىن ەراسىل وماروۆ قورعاعان. ول جۇلقا كوتەرۋدە 104، ال سەرپە كوتەرۋدە 124 كەلىنى باسىنان اسىردى. وسىلايشا 228 كەلىمەن جالپى ەسەپتە ءۇشىنشى ورىعا تۇراقتادى. ءبىرىنشى جانە ەكىنشى ورىندى ۆەتنام سپورتشىلارى يەمدەندى.

بۇعان قوسا، قىزدار اراسىندا 45 كەلىگە دەيىنگىلەردىڭ جارىسى ءوتتى. بۇل سىنعا ەلىمىز اتىنان الەكساندرا بەلەنكو قاتىسىپ، جارىس قورىتىندىسى بويىنا 5ء-شى ورىنعا تۇراقتادى. وزبەكستانداعى ازيا چەمپيوناتى 25 شىلدەگە دەيىن جالعاسادى.

«نەشە كۇن بويى سالماق تاستاپ كەلدىم. وسىعان دا شۇكىر. ءۇشىنشى ورىن الدىم. نەگىزگى سالماعىم 59 ەدى، 55-كە دەيىن قۋدىق. بىزدە ءبارىمىز التىن دەپ كەلدىك. ءبارى التىن الادى دەگەن ۇمىتتەمىن. ساتتىلىك تىلەيمىن. قارسىلاستارىما دا. بولاشاقتا تاعى جارىساتىن بولامىز»، - دەدى ازيا چەمپيوناتىنىڭ جۇلدەگەرى ەراسىل وماروۆ.