بيىل بۇل جارىس قىتايدىڭ تيانسزين قالاسىندا ءوتتى.
ۇلتتىق قۇراما حيميادان حالىقارالىق وليمپيادادا (IChO-2022) 1 التىن جانە 3 كۇمىس مەدال جەڭىپ الدى. بيىل بۇل جارىس تيانسزين قالاسىندا (جۇڭگو) ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ەلىمىزدىڭ اتىنان نۇر-سۇلتان، قاراعاندى، پاۆلودار جانە اقتاۋ قالالارىنان 4 وقۋشى قاتىستى. ولار الەمنىڭ 83 ەلىنەن كەلگەن 322 وقۋشىمەن ب ا ق سىناستى. وسىلايشا، 4 وقۋشىمىز دا بەدەلدى وليمپيادانىڭ جەڭىمپازى اتاندى. ۇلتتىق قۇراماعا 2017 جىلدان بەرگى العاشقى التىندى ماديار قاسىمالى اكەلسە، سانجار بيسەنالى، سانجار نۇرعالييەۆ جانە الميرا نۇرلانوۆا كۇمىس جۇلدەنى ەنشىلەدى. بىلتىر قورجىنىمىزعا ءۇش كۇمىس، ءبىر قولا مەدال تۇسكەن بولاتىن»،- دەپ جازدى ق ر وقۋ-اعارتۋ ءمينيسترى اسحات ايماعامبەتوۆ.
اسحات ايماعامبەتوۆ بيىل وسىنداي وليمپيادالاردىڭ جەڭىمپازدارى قوماقتى اقشالاي سىياقى الۋعا جانە وتاندىق جوو-لارعا ۇبت تاپسىرماي-اق تۇسۋگە مۇمكىندىك بەرىلەتىنى ايتتى.
«وقۋشىلارىمىزدى جوعارى ناتيجەلەرمەن جانە لايىقتى جەڭىستەرىمەن قۇتتىقتايمىن! بالالارىمىزدىڭ ماتەماتيكا، فيزيكا، حيميا پاندەرىنەن حالىقارالىق وليمپيادالارداعى جەتىستىكتەرى جاراتىلىستانۋ پاندەرىندەگى جاقسى جەتىستىكتەردىڭ كورسەتكىشى. كوماندانىڭ تاباندىلىعى، ءبىلىمى، ەڭبەگى جانە جەڭىسكە دەگەن جىگەرى بارلىق وقۋشىعا ۇلگى بولارى ءسوزسىز. بيىل وسىنداي وليمپيادالاردىڭ جەڭىمپازدارى العاش رەت قولداۋ شارالارىنا يە بولادى. ولار قوماقتى اقشالاي سىياقى الۋعا جانە وتاندىق جوو-لارعا ۇبت تاپسىرماي-اق تۇسۋگە مۇمكىندىك الىپ وتىر. وقۋشىلاردى جارىسقا دايىنداعان ۇستازدار دا تولەماقى الادى»،- دەپ ءتۇيدى ءسوزىن ق ر وقۋ-اعارتۋ ءمينيسترى.