ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ وسىنداي جوسپارىن ورتاعا سالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىندە فوسفوريت كەن ورىندارى بويىنشا «قازفوسفات»، «ەۆروحيم-تىڭايتقىشتار» جانە «سوزاق فوسفات» جاۋاپكەرشىلىگى شەكتەۋلى سەرىكتەستىكتەرى جۇمىس ىستەپ جاتىر. ءوندىرۋدىڭ جيىنتىق كولەمى 4 ملن توننا بولماق. كاليي تىڭايتقىشتارى بويىنشا 4 كەن ورنى بار، ولاردىڭ ۇشەۋى باتىس قازاقستان وبلىسىندا جانە بىرەۋى اقتوبە وبلىسىندا. ءبىز بيىلدان باستاپ 2026 جىلعا قاراي ىشكى نارىقتىڭ فوسفور جانە ازوت تىڭايتقىشتارىنا قاجەتتىلىگىن تولىعىمەن وتەيتىن جوبالاردى باستايمىز»، - دەدى مينيستر.
سونداي-اق، بۇگىنگى ۇكىمەت وتىرىسىندا سامۇرىق-قازىنا قورىنىڭ ميسسياسى قايتا قارالادى.
«كۆازيمەملەكەتتىك سەكتوردىڭ ءرولىن قايتا قاراۋ شەڭبەرىندە مەملەكەتتىك مەنشىكتى باسقارۋدى جەتىلدىرۋ جانە «سامۇرىق-قازىنا» قورىن رەفورمالاۋ بويىنشا جۇمىس جۇرگىزىلىپ جاتىر. وسى باعىت بويىنشا مەملەكەت قاتىسۋىنىڭ ناقتى ولشەمى كۆازيمەملەكەتتىك سەكتور سۋبەكتىلەرىنىڭ جاڭا سىنىپتاماسى، سونداي-اق كورپوراتيۆتىك باسقارۋدىڭ جاڭا ۇيىمداستىرۋشىلىق نىساندارى مەن مودەلدەرى ايقىندالادى»، - دەدى ول.