توكيودا اسكەري دارىگەرلەر پراكتيكالىق وقىتۋ ترەنينگىنە قاتىستى.
قازاقستاندىق ماماندار جاۋىنگەرلىك جاراقاتتار كەزىندە زاقىمدانۋمەن جۇمىس ىستەيتىن حيرۋرگتاردى وقىتۋ ءۇشىن قولدانىلاتىن گيبريدتى ستيمۋلياتورلارمەن تانىستى، دەپ حابارلايدى aqshamnews.kz.
پراكتيكالىق ساباقتاردا اسكەري دارىگەرلەر گيبريدتى ترەناجەر جاساۋ ادىستەرىن بىرلەسىپ پىسىقتادى، ونى ورناتۋ جانە پايدالانۋ ءتارتىبىن زەردەلەدى.
ساپار اياسىندا جاپونيانىڭ ءوزىن-وزى قورعاۋ كۇشتەرى ورتالىق گوسپيتالىنىڭ باسشىلىعىمەن ەكىجاقتى كەزدەسۋ ءوتىپ، وندا 2025-2027 جىلدارعا ارنالعان ىنتىماقتاستىق جوسپارى تالقىلاندى.
ەندى اسكەري-دالالىق حيرۋرگيا كۋرسى اياسىندا ق ر قورعانىس مينيسترلىگى اسكەري مەديسينا ورتالىعىنىڭ بازاسىندا اسكەري حيرۋرگتاردى وقىتۋ ءۇشىن گيبريدتى سيمۋلياتورلاردى ەنگىزۋ ماسەلەسى پىسىقتالۋدا.