الماتىدا 5ء-شى «ەۋروپالىق وداق – ورتالىق ازيا» ازاماتتىق قوعام فورۋمى ءوتىپ جاتىر.
ءۇش كۇندىك ءىس-شارا سيفرلىق ترانسفورماسيا، كليماتتىڭ وزگەرۋى، جاستار بەلسەندىلىگى، ايەلدەردىڭ قۇقىقتارى مەن مۇمكىندىكتەرىن كەڭەيتۋ ماسەلەلەرىنە باعىتتالعان، دەپ حابارلايدى aqshamnews.kz.
فورۋمعا ورتالىق ازيا ەلدەرىنىڭ ازاماتتىق قوعام ينستيتۋتتارى مەن ۇكىمەتتەرى وكىلدەرى، حالىقارالىق ۇيىمدار وكىلدەرى قاتارىنان 150-دەن استام ادام قاتىسۋدا.
فورۋمنىڭ اشىلۋىنا ق ر مادەنيەت جانە اقپارات ۆيسە-مينيسترى ايزادا قۇرمانوۆا قاتىستى. ول قاتىسۋشىلاردى ەلدىڭ دامۋىنداعى ازاماتتىق قوعامنىڭ ءرولى جانە مەملەكەتتىڭ ۇكىمەتتىك ەمەس سەكتوردى قولداۋ بويىنشا جۇرگىزىپ جاتقان جۇمىسى تۋرالى حاباردار ەتتى.
الداعى ەكى كۇن ىشىندە ءىس-شارا اياسىندا توپتىق پىكىرتالاستار مەن ارنايى سەمينارلار وتەدى. قاتىسۋشىلار وسى تالقىلاۋلار ارقىلى ءوزارا يدەيا الماسىپ، ايماقتىڭ ماڭىزدى ماسەلەلەرىن شەشۋگە بەلسەندى تۇردە اتسالىسۋ مۇمكىندىگىنە يە بولادى.