قازاقستاندىق اەس-تە جۇمىس ىستەيتىن ماماندار جوقتىڭ قاسى

ال وعان 2 مىڭنان استام مامان قاجەت.

ورتالىق كوممۋنيكاسيالار قىزمەتىندە بەرگەن بريفينگىندە  ق ر ەنەرگەتيكا ءمينيسترى بولات اقشولاقوۆ وسىلاي دەدى، دەپ حابارلايدى Almaty-akshamy.kz  «حابار 24»سايتىنا سىلتەمە جاساپ.

وسى سەبەپتى باستاپقىدا شەتەلدىك جۇمىسشىلاردىڭ كومەگىنە جۇگىنۋگە تۋرا كەلەتىنىن جەتكىزدى. ءسويتىپ، الداعى 7-10 جىلدىڭ ىشىندە تاجىريبەلى مامانداردىڭ پۋلىن قالىپتاستىرامىز. مينيستر ستانسيا قۇرىلىسىنا دا توقتالىپ كەتتى. بەلگىلى بولعانداي، تەحنولوگيا تاڭداۋ پروسەسى ءالى ءجۇرىپ جاتىر. نەگىزگە تۇركيا، فرانسيا، وڭتۇستىك كورەيانىڭ تاجىريبەسى الىنعان.

«بىرنەشە نۇسقا بار. نە مەملەكەت ءوزى سالادى، نە تەحنولوگيا ليسەنزيالارىنا سالۋ مۇمكىندىگى بەرىلەدى. قاۋىپسىزدىك جاعدايى قاراستىرىلىپ، سەيسميكالىق زەرتتەۋلەر ءالى جۇرگىزىلىپ جاتىر. دەگەنمەن شامامەن قۇرىلىس الاڭىن ايقىنداپ قويدى. وسىعان دەيىن ايتقانىمىزداي، 5 تەحنولوگيادان تۇراتىن قىسقا ءتىزىم بولعان. اقش تەحنولوگياسىن قاراستىرمايمىز دەپ شەشتىك. ولارمەن باسقا جوبالار بويىنشا جۇمىس ىستەيمىز»، - دەيدى ق ر ەنەرگەتيكا ءمينيسترى بولات اقشولاقوۆ.