ولاردىڭ قاتارىندا تاماق ونەركاسىبى، قۇرىلىس يندۋسترياسى، حيميا ونەركاسىبى، IT-يندۋستريا، مەتالل پروكاتى سياقتى سالالار بار.
ۇكىمەتتىڭ رەسمي سايتىنىڭ مالىمدەۋىنشە، بۇل قازاقستاننىڭ يرانعا سوڭعى 5 ايداعى ەكىنشى ساۋدا-ەكونوميكالىق ميسسياسى، دەپ حابارلايدى Almaty-akshamy.kz
تەگەراندا قازاقستاندىق بيزنەس-ميسسيا تابىستى ءوتتى.
قازاقستاندىق بيزنەستى تاماق ونەركاسىبى، قۇرىلىس يندۋسترياسى، حيميا ونەركاسىبى، IT-يندۋستريا، مەتالل پروكاتى جانە ت. ب. سالالاردا جۇمىس ىستەيتىن 15 ءوندىرۋشى كومپانيا تانىستىردى.
اتاپ ايتقاندا، يران بيزنەسىمەن كەلىسسوزدەرگە ەت، ۇن ونىمدەرىن وندىرۋشىلەر، جۇمىرتقا، ماكارون ونىمدەرىن، بالمۇزداق، وسىمدىك مايى مەن جارما وندىرۋشىلەر قاتىستى. سونداي-اق حيميالىق ونىمدەر، بولات سىمدار مەن ارقاندار، مەتالل بوشكەلەر، تەلەكوممۋنيكاسيالىق جابدىقتار مەن مودەم وندىرۋشىلەر دە بار.
قازاقستاندىق بيزنەستىڭ يرانعا ساۋدا-ەكونوميكالىق ميسسياسىن ۇيىمداستىرۋشى — «QazTrade» اق ەكسپورتتى قولداۋ مەن دامىتۋدىڭ ءبىرىڭعاي وپەراتورى. ساۋدا-ەكونوميكالىق ميسسيانى اشقان ق ر پرەمەر-مينيسترىنىڭ ورىنباسارى – ساۋدا جانە ينتەگراسيا ءمينيسترى باقىت سۇلتانوۆ يران قازاقستاننىڭ ماڭىزدى ساۋدا سەرىكتەستەرىنىڭ ءبىرى ەكەنىن اتاپ ءوتتى.
«ءبىز قازاقستان-يران ەكىجاقتى ساۋدا-ەكونوميكالىق قاتىناستارىن ودان ءارى دامىتۋ مەن تەرەڭدەتۋگە، اسىرەسە ەلدەرىمىز اراسىنداعى ساۋدانى دامىتۋعا ۇلكەن ءمان بەرەمىز»، — دەدى ب. سۇلتانوۆ.
قازاقستاندىق كومپانيالار يرانعا مەتاللۋرگيا سالاسىن، تاماق، ماشينا جاساۋ، فارماسيەۆتيكا، قۇرىلىس ماتەريالدارىن قوسا العاندا، $162،3 ملن سوماسىنا ءبىرقاتار سالالاردىڭ وڭدەلگەن تاۋارلارىنىڭ ەكسپورتىن ارتتىرۋعا دايىن.
ۆ2ۆ كەلىسسوزدەردىڭ قورىتىندىسى بويىنشا قازاقستاندىق جانە يراندىق كومپانيالار $14 ملن سوماسىنا بىرنەشە كەلىسىم جاساستى. اتاپ ايتقاندا، يرانعا ەت، ۇن، بالمۇزداق، وسىمدىك مايىن جەتكىزۋگە ارنالعان كەلىسىمشارتتارعا قول قويىلدى. سونداي-اق QazTrade اق مەن Trade Promotion Organisation of Iran اراسىندا تاۋار اينالىمىن $100 ملن-عا ارتتىرۋعا ءوزارا نيەت تۋرالى مەموراندۋمعا قول قويىلدى.