ەكى ەلدىڭ ۇكىمەت مۇشەلەرى سونداي كەلىسىمگە كەلدى.
الداعى جازدا تاجىكستان ۇكىمەتى قازاقستانعا بىلتىرعىداي قوسىمشا سۋ جىبەرەتىن بولدى، دەپ حابارلايدى Almaty-akshamۋ.kz.
«ەكولوگيا ۆيسە-مينيسترى سەرىك قوجانيازوۆ دۋشانبەدە جۇمىس ساپارى بارىسىندا تاجىكستان رەسپۋبليكاسى ەنەرگەتيكا جانە سۋ رەسۋرستارى ءمينيسترىنىڭ ورىنباسارى شويمزودا دجامشەد شوديمەن كەزدەسۋ وتكىزدى»، - دەلىنگەن ەكولوگيا مينيسترلىگىنىڭ باسپا ءسوز قىزمەتىنىڭ حابارلاماسىندا.
تاراپتار سىرداريا وزەنى باسسەينىندەگى قالىپتاسقان سۋ شارۋاشىلىعى جاعدايىن تالقىلادى. باحري توچيك سۋ قويماسىنىڭ 2021-2022 جىلدارداعى ۆەگەتاسياارالىق جانە 2022 جىلعى ۆەگەتاسيالىق كەزەڭدەگى جۇمىس رەجيمىن كەلىسۋ بويىنشا كەلىسسوزدەر جۇرگىزدى.
«قازاقستان تاراپى 2022 جىلدىڭ ۆەگەتاسيالىق كەزەڭىندە بىلتىرعىداي باحري توچيك سۋ قويماسىنان قوسىمشا سۋ جىبەرۋ جۇزەگە اسىرىلاتىن بولادى دەگەن ۋاعدالاستىققا قول جەتكىزدى. بۇل تۇركىستان جانە قىزىلوردا وبلىستارىنىڭ فەرمەرلەرىن سۋ از بولعان جاعدايدا سۋارمالى سۋمەن قامتاماسىز ەتۋدى جاقسارتۋعا مۇمكىندىك بەرەدى»، - دەلىنگەن حابارلامادا.