«ازاماتتارعا ارنالعان ۇكىمەتتىڭ» ءبىرىڭعاي بايلانىس ورتالىعى ماراپاتتاۋ ءراسىمى ماسكەۋدە وتكەن CسGuru Awards/حرۋستالنايا گارنيتۋرا حالىقارالىق سايىستا «حالىققا ارنالعان ۇزدىك بايلانىس ورتالىعى» نوميناسياسىندا قازىلار القاسىنىڭ جوعارى باعاسىنا يە بولدى، دەپ حابارلايدى اlmaty-akshamy.kz.
بايقاۋعا 440-تان استام ۇمىتكەر قاتىستى. قازاقستان، رەسەي جانە بەلارۋس ەلدەرىنىڭ 150-دەن استام بايلانىس ورتالىقتارى ۇزدىك اتاعىنا تالاستى. 2024 جىلدىڭ قاڭتارىندا 1414 فينالعا شىعىپ، اقپان ايىندا CCGuru Awards قازىلار القاسىنىڭ مۇشەلەرىن ءبىرىڭعاي بايلانىس ورتالىعىنىڭ كەڭسەسىندە قابىلداعان بولاتىن. بايقاۋ كوميسسياسىنىڭ وكىلدەرى ورتالىقتىڭ جۇمىسىمەن جانە اقپاراتتىق جۇيەلەرمەن تانىستى.
ايتا كەتەر بولساق، CسGuru Awards/ حرۋستالنايا گارنيتۋرا 15 جىلدان استام ۋاقىت بويى قۇزىرلى قازىلار القاسىنىڭ شەشىمىمەن جىل سايىن بايلانىس-ورتالىق يندۋسترياسىنىڭ جانە كليەنتتەرمەن قاشىقتىقتان ءوزارا ارەكەتتەسۋدىڭ ۇزدىكتەرىنە بەرىلەدى. ماراپات كاسىبي قوعامداستىقتىڭ جوعارى جەتىلۋ جانە دامۋ دەڭگەيىن مويىنداۋىن كورسەتەدى، بايلانىس ورتالىقتارىندا كليەنتتەرمەن قاشىقتىقتان ءوزارا ارەكەتتەسۋ سالاسىنداعى قاتىسۋشىلاردىڭ جوعارى جەتىستىكتەرى مەن ناتيجەلەرىن راستايدى.
ءبىرىڭعاي بايلانىس ورتالىعى مەملەكەتتىك كورپوراسيانىڭ قۇزىرىنا 2021 جىلى وتكەن بولاتىن. ماماندار ازاماتتارعا اۋديو-بەينە بايلانىس، سونداي-اق ونلاين چات جانە ەلەكتروندىق پوشتا ارقىلى 1354 مەملەكەتتىك قىزمەت بويىنشا كەڭەس بەرەدى. سونىمەن قاتار، جەلىدە ازاماتتارعا كەڭەس بەرىپ قانا قويماي، كەيبىر مەملەكەتتىك قىزمەتتەردى، سونىڭ ىشىندە حالىققا قىزمەت كورسەتۋ ورتالىعىندا كەزەككە تۇرۋدى دا ۇسىناتىن روبوت جۇمىس ىستەيدى. قوسىمشا ايتار بولساق، جىل باسىنان بەرى بايلانىس ورتالىعىنا 7،2 ميلليوننان استام قوڭىراۋ تۇسكەن.