6-7 ءساۋىر ارالىعىندا الماتىداعى شىمبۇلاق تاۋ كۋرورتىنىڭ اۋماعىندا Gorilla Winter Jungle سپورتتىق-مۋزىكالىق فەستيۆالى وتەدى.
بۇل حالىقارالىق جارىس - قازاقستانداعى قىسقى ەكستريمنىڭ باستى شاراسى، ول جىل سايىن ەلىمىزدەگى سنوۋبوردينگ پەن تاۋ شاڭعىسىنىڭ دامۋىنا زور ۇلەسىن قوسىپ كەلەدى. جەتى جىلدىق تاريحىندا شارا ءوز اينالاسىندا اۋقىمدى قوعامداستىق قۇردى، دەپ حابارلايدى اlmaty-akshamy.kz.
2024 جىلى Winter Jungle شىمبۇلاق كۋرورتىنىڭ ءدال ورتاسىندا وتەدى. نەگىزگى ستانسيا الماتى قالاسىنىڭ تۇرعىندارىن، شەتەلدىك تۋريستەر مەن كورشى ەلدەردەن كەلگەن قوناقتاردى جينايتىن ورتالىققا اينالادى. بۇل 70ء-شى مەرەيتوي ماۋسىمىنىڭ سوڭعى اككوردى بولماق. فەستيۆال قوناقتارىن ەكى كۇندىك سپورتتىق جانە مۋزىكالىق باعدارلاما كۇتەدى.
بيىل ۇيىمداستىرۋشىلار شارانى ەكى كۇندىك فەستيۆالگە دەيىن كەڭەيتۋ تۋرالى شەشىم قابىلدادى. ءداستۇرلى Big Air، Jibbing جانە بارىنە ۇناعان The Battle باعىتتارىنان باسقا جاڭا جارىس پايدا بولدى – ول Jungle سross، ارنايى تراسسادا وتەتىن ۇشىپ كەتۋ ءقاۋپى بار جارىس.
"مەن وسى جىلعى Winter Jungle-دەن كەرەمەت كوڭىل-كۇيدى، جاڭا ادامداردى جانە شارادان شابىت الىپ، ودان ءارى ەكسترەمالدى سپورتپەن اينالىساتىن جارقىن جاستاردى كۇتەمىن. ءبىزدىڭ ماقساتىمىز - قازاقستانداعى ەكشن-سپورت مادەنيەتىن دامىتۋعا ۇلەس قوسۋ!" – دەيدى Gorilla Winter Jungle فەستيۆالىنىڭ پروديۋسەرى الەكساندر كۋچۋرا.
قازاقستاندىق رايدەرلاردان بولەك جارىسقا رەسەي، پولشا، اۆستريا، فينليانديا، فرانسيا جانە سەربيا ەلدەرىنەن كەلگەن شاڭعىشىلار مەن سنوۋبوردشىلار قاتىسادى.
"العاشىندا مەنى قازاقستانعا شاقىرعان كەزدە - مەن نە كۇتەتىنىمدى بىلمەدىم. مەن ستاندارتتى ەمەس يدەيالاردى جۇزەگە اسىراتىن شارالاردىڭ ۇلكەن جانكۇيەرىمىن جانە Gorilla Winter Jungle ءسوزسىز سولاردىڭ ءبىرى"، - دەيدى Freeski جارىسىنان پولشانىڭ 12 دۇركىن چەمپيونى، "The Battle" سپورتتىق باعدارلاماسىنىڭ باستى شاراسىنا شاقىرىلعان قاتىسۋشىلاردىڭ ءبىرى Sczepan Karpiel-Bulecka.
حالىقارالىق جارىستاردان بولەك - فەستيۆال قوناقتارىن 20-دان استام ارتىستەر مەن ديدجەيلاردان قۇرالعان الۋان ءتۇرلى جانرلارداعى باي مۋزىكالىق باعدارلاما كۇتەدى. فەستيۆالدىڭ باستى ساحناسىنداعى حەدلاينەرلەر: ءبىرىنشى كۇنى LOVANDA دۋەتى، ال سپورتتىق-مۋزىكالىق فەستيۆالدىڭ ەكىنشى كۇنىندە حيپ-حوپ ءارتىس كاسسەتا ونەر كورسەتەدى.
سونداي-اق، 6-7 ساۋىردە Winter Jungle باعدارلاماسىندا جاس اۋديتوريانىڭ تالعامىنا ساي كەلەتىن، قازاقستاندىق تاۋەلسىز مۋزىكانىڭ وكىلدەرى - MENINDENIMSAW، RUSHA جانە ALON بار. نەگىزگى ساحنانىڭ لاين-اپىنان بولەك Cosmic Picnic جانە Vyhod - الماتى قالاسىنىڭ جەتەكشى پرومو-كوماندالارىنىڭ كۇندىزگى شوۋ-كەيستەرى وتەدى.
"Gorilla Winter Jungle - بۇل جاي عانا جارىس ەمەس. ءارتۇرلى ەلدەردەن كەلگەن دوستاردىڭ جينالاتىن ورنى، كەرەمەت مۋزىكا مەن اتموسفەرا. بۇل شارا جاقىن ارادا الەمدەگى ەڭ ۇلكەن قاۋىمداستىققا اينالادى دەپ ۇمىتتەنەمىن!" – دەيدى "Gorilla" برەندىنىڭ امباسسادورى، قازاقستاننىڭ جەتەكشى ينفليۋەنسەرلەرىنىڭ ءبىرى ساكەن كاگاروۆ.