داۋىس بەرۋگە ءوز بالالارىن اكەلگەن ازاماتتار بولاشاق ۇرپاققا سايلاۋداعى اتموسفەرانى سەزىنۋگە مۇمكىندىك بەردى. بۇل، ءسوزسىز، دەموكراتياعا باستايتىن جول. حالىقارالىق بايقاۋشىلاردىڭ پىكىرى وسى.
جالپى، تۇركيادان كەلگەن ماماندار قازاقستانداعى سيفرلاندىرۋ جۇيەسى جانە ونىڭ سايلاۋ كەزىندە پايدالانىلۋ دەڭگەيىنە جوعارى باعا بەردى، دەپ حابارلايدى Almaty-akshamy.kz.
اسىرەسە، مەملەكەتتىك قىزمەت كورسەتۋ پورتالى ارقىلى سايلاۋ ۋچاسكەسىن انىقتاپ، قۇجاتتى ەلەكتروندى تۇردە پايدالانۋ مۇمكىندىگى ەرەكشە تاڭعالدىردى، - دەيدى. شەتەلدىكتەر ۋچاسكەلەردە سانيتارلىق تالاپتاردى ساقتاۋ، دارىگەرلەر مەن ەرىكتىلەر قىزمەتىنىڭ جوعارى دەڭگەيدە ۇيىمداستىرىلعانىن اتاپ ءوتتى.
«بايقاۋشى رەتىندە ەشقانداي ولقىلىق ورىن الماعانىن ايتقىم كەلەدى. باسقا تۇركى مەملەكەتتەرىمەن سالىستىرعاندا، قازاقستاندىقتاردىڭ ساياسي بەلسەندىلىگى جوعارى. ماسەلەن، تۇرعىندار داۋىس بەرىپ بولعاسىن سۋرەتكە ءتۇسىپ جاتىر. وسى ارقىلى سايلاۋعا ءوز ەرىكتەرىمەن، ازاماتتىق پارىزىن وتەۋگە كەلگەنى كورىنىپ تۇر»، - دەيدى حالىقارالىق بايقاۋشى يۋكسەل وزكان.