اندرە مارسەل رەيشار - ەلىمىزدەگى سايلاۋ ناۋقانىنىڭ ءوتۋ بارىسىن باقىلاۋعا كەلگەن 600 حالىقارالىق بايقاۋشىنىڭ ءبىرى.
حالىقارالىق بايقاۋشى 8 سايلاۋ ۋچاسكەسىن ارالاعان، دەپ حابارلايدى Almaty-akshamy.kz
"قازاقستان ءدال ءقازىر دامۋدىڭ وتە ماڭىزدى كەزەڭىندە تۇر"، - دەپ ەسەپتەيدى فرانسيا سەناتورى، ەۋروپا ىستەرى جونىندەگى تۇراقتى كوميتەت ءتوراعاسىنىڭ ورىنباسارى اندرە مارسەل رەيشار. ول - ەلىمىزدەگى سايلاۋ ناۋقانىنىڭ ءوتۋ بارىسىن باقىلاۋعا كەلگەن 600 حالىقارالىق بايقاۋشىنىڭ ءبىرى. ساياساتكەر 8 سايلاۋ ۋچاسكەسىنە باس سۇعىپ، سايلاۋدىڭ ءوتۋ بارىسىن ءجىتى قاداعالاعان.
«مەن سايلاۋ پروسەسىنىڭ ءوتۋ بارىسىن قالىپتى دەپ باعالايمىن، بارلىعى شتاتتىق رەجيمدە وتۋدە. پروسەسس ستاندارتتى قادامداردان تۇرادى: سايلاۋشى كەلەدى، جەكە كۋالىگىن كورسەتەدى، جەرگىلىكتى سايلاۋ كوميسسياسى ونى سايلاۋشىلار تىزىمىنەن تابادى، سوسىن ول قول قويادى، تەك سوسىن عانا وعان جالعىز سۇراعى بار بيۋللەتەن بەرىلەدى. ەڭ باستىسى، «ءبىر سايلاۋشى – ءبىر داۋىس» دەگەن نەگىزگى ءپرينسيپتى ۇستانۋعا بارلىق جاعداي جاسالعان»، – دەدى ول.