قازاقستانداعى سەيسمولوگيالىق جاعداي لايىقتى باعالانباي كەلەدى. سەيسموستانسيالارداعى 1979 جىلى شىعارىلعان جابدىقتار ابدەن ەسكىرگەن. بۇل تۋرالى سەناتورلاردىڭ سەيسمولوگيا ينستيتۋتى ماماندارىمەن بولعان كەزدەسۋى بارىسىندا ايتىلدى، دەپ حابارلايدى اlmaty-akshamy.kz 24.kz-كە سىلتەمە جاساپ.
دەپۋتاتتار الماتىداعى جەدەل قىزمەتتەردىڭ تابيعي اپاتتارعا دايىندىعىمەن تانىستى. جيىندا ماماندار «ەل اۋماعىنىڭ 40 پروسەنتى سەيسميكالىق ءقاۋىپتى ايماقتا ورنالاسقانىنا قاراماستان، ءتيىستى ستانسالار از» دەپ وتىر. سوڭعى 5 جىلدا سەيسميكالىق اسپاپتار 40 000 جەر سىلكىنىسىن تىركەگەن. وتكەن جىلدىڭ وزىندە ولاردىڭ سانى 7 مىڭعا جۋىقتاعان. سەيسمولوگيا ينستيتۋتىنىڭ ماماندارى قازىرگى ۋاقىتتا الماتىداعى جاعداي تۇراقتى دەپ وتىر.
- سەيسمولوگيا ينستيتۋتىنىڭ بولجامدىق كوميسسياسىنىڭ مالىمەتىنشە، 2023 جىلى الماتى پوليگونى اۋماعىندا كۇشتى جويقىن جەر سىلكىنىسى كۇتىلمەيدى. اپتا سايىن كوميسسيا وتىرىسىن وتكىزىپ، كوميسسيانىڭ قورىتىندىسىن بارلىق شەشىم قابىلدايتىن ورگاندارعا جىبەرەمىز، - دەيدى سەيسمولوگيا ينستيتۋتىنىڭ ديرەكتورى داۋلەت سارسەنبايەۆ.