الماتىدا جاس بايانشىلار مەن اككوردەونشىلار بايقاۋى وتەدى
مۋزىكالىق سايىسقا قاتىسۋ ءۇشىن الماتى، استانا، تاراز، شىمكەنت، تۇركىستان، ارقالىق، پەتروپاۆل، پاۆلودار، اقسۋ، قوستاناي قالالارىنان 8 بەن 19 جاس ارالىعىنداعى 50-گە جۋىق جاس ءوتىنىم بەرگەن. بايقاۋعا قاتىسۋشىلاردان ءوتىنىم قابىلداۋ 28 اقپانعا دەيىن جالعاسادى، سوندىقتان ونەر دوداسىندا ب ا ق سىناۋشىلار قاتارى تولىعۋى مۇمكىن، دەپ حابارلايدى Almaty-akshamy.kz.
كونكۋرستى وتكىزۋ يدەياسىن رەسپۋبليكالىق جانە حالىقارالىق بايقاۋلاردىڭ لاۋرەاتى، الماتىلىق اككوردەونشى تالعات پولاتوۆ ۇسىنعان. مۋزىكانتتىڭ باستاماسىنا №6 وقۋشىلار ءۇيىنىڭ جەتەكشىسى زەينەپ اريشيەۆا قولداۋ كورسەتكەن.
بايقاۋعا قاتىسۋ تەگىن. كونكۋرسانتتاردى جاستارىنا قاراي Junior Accordionist ( 8-11 جاس ارالىعى)، Middle Accordionist (11–15 جاس ارالىعى) جانەYoung Accordionist (16–19 جاس ارالىعى) ءۇش اتالىمعا بولگەن. سونداي-اق، انسامبلدەرگە بايلانىستى ءۇش بولەك نوميناسيا بولادى – ولارعا قۇرامىندا بايان نەمەسە اككوردەون بار دۋەتتەر، تريولار، كۆارتەتتەر جانە ت.ب. قاتىسا الادى. بۇل نوميناسيالار دا جاس ساناتتارى بويىنشا بولىنگەن.
«قازاقستاندا سوڭعى كەزدەرى بايان مەن اككوردەوندى تارتۋدى ۇيرەنگىسى كەلەتىندەر سانى ازايىپ بارادى. بالالار مەن ولاردىڭ اتا-انالارى تاراپىنان وسى اسپاپقا دەگەن قىزىعۋشىلىق جويىلىپ بارادى. مەن مۇنى 1980-90 جىلدارمەن سالىستىرىپ ايتىپ وتىرمىن. مەن وقىپ جۇرگەن جىلدارى مۋزىكالىق مەكتەپتەرگە ءتۇسۋ ءۇشىن اۋقىمدى كونكۋرستان ءوتۋ كەرەك بولاتىن.ءقازىر بۇل اسپاپقا دەگەن قىزىعۋشىلىق ازايدى. بالالاردى دا تۇسىنۋگە بولادى، ويتكەنى ولار ەسترادا مەن تەليەۆيزيادا وزدەرى كورمەي جۇرگەن اسپاپتا ويناعىلارى كەلمەيدى، بۇل جالپى قازاقستان بويىنشا بار ماسەلە»، - دەيدى تالعات پولاتوۆ.
تالعات پولاتوۆتىڭ ءوزى بايان مەن اككوردەوندى بارىنشا ناسيحاتتاۋعا تىرىسىپ ءجۇر، سول ماقساتتا La Bohەme تەاترى مەن الماتىنىڭ باسقا الاڭدارىندا كونسەرت وتكىزەدى، ونى الەۋمەتتىك جەلى ارقىلى جارنامالايدى. ءبىراق، ايتۋىنشا ونىڭ ونەرىن تاماشالاۋعا كەلەتىن كورەرمەندەر قاتارى وتە از.
«20-30 جىلدان كەيىن بالالار بايان مەن اككوردەون اسپابىندا ويناپ ۇيرەنبەيدى دەگەن ءۇردىس بار. سويتە تۇرا، ولار مۋزىكامەن مۇلدەم اينالىسپايدى دەۋگە بولمايدى. مۋزىكالىق مەكتەپتەردە فورتەپيانو، دومبىرا، سكريپكا، گيتارا اسپاپتارى كەڭىنەن تانىمال»، - دەيدى تالعات پولاتوۆ.
العاشقى Accordion Fest 2023 رەسپۋبليكالىق بايقاۋىنىڭ 4 ناۋرىزدا كونكۋرسانتتاردى تىڭداعىسى كەلەتىندەردىڭ ءبارىن سەيفۋللين داڭعىلى، 13 (مولداعالييەۆ كوشەسىنىڭ بۇرىشى) مەكەنجايىنداعى №6 وقۋشىلار ۇيىنە شاقىرادى.
تىڭداۋ تاڭعى 10 كەزىندە باستالادى، ساعات 14.00-دە تالعات پولاتوۆ شەبەرلىك سىنىبىن وتكىزەدى. جەڭىمپازدار گالا-كونسەرتتە ماراپاتتالادى.