Qnet حالىقارالىق كومپانياسىن قازاقستاندا تاعى دا قارجى پيراميداسى دەپ اتادى.
كومپانيانىڭ قازاقستان اۋماعىندا جۇمىس ىستەۋگە ليسەنزياسى جوق. ءىس فيگۋرانتتارىنىڭ ءبىرى ءۇيقاماققا الىندى، دەپ حابارلايدى Almaty-akshamy.kz قارجى مونيتورينگى اگەنتتىگىنە سىلتەمە جاساپ.
«اگەنتتىكتىڭ اقمولا وبلىسىنداعى اۋماقتىق دەپارتامەنتى Qnet كومپانياسى حالىقارالىق قارجى پيراميداسىنىڭ قۇرىلىمدىق بولىمشەسىنىڭ باسشىلارىنا قاتىستى سوتقا دەيىنگى تەرگەۋ باستادى»، - دەپ مالىمدەدى اگەنتتىكتىڭ باسپا ءسوز حاتشىسى الىبەك ءابدىلوۆ.
ونىڭ ايتۋىنشا، كومپانيا قازاقستان اۋماعىندا تىركەلمەگەن، كاسىپكەرلىك قىزمەتتى جۇزەگە اسىرمايدى، بانك قىزمەتى مەن بانك وپەراسيالارىن جۇرگىزۋگە ليسەنزياسى، رۇقساتى جوق.
بۇعان قوسا، ءىس فيگۋرانتتارىنىڭ بىرىنە قاتىستى ءۇيقاماققا الۋ تۇرىندە بۇلتارتپاۋ شاراسى تاڭدالدى.
Qnet – QI توبىنىڭ نەگىزگى ەنشىلەس كاسىپورنى. 1998 جىلى نەگىزى قالانعان. گونكونگتە ورنالاسقان، تىكەلەي ساتىلىم مەن كوپ دەڭگەيلى ماركەتينگتى پايدالانادى. كومپانيا قارجى پيراميداسىن قۇردى دەپ بىرنەشە رەت ايىپتالدى.